電影LOL︳被爆迫女星上床換演出機會 日本導演園子溫寫信道歉

以恐怖及重口味作品聞名國際嘅日本導演園子溫，最近被爆出「潛規則」醜聞。當地雜誌《周刊女性》報導，園子溫恃住自己作品受歡迎，會邀約女演員並要求發生性行為，以換取喺佢嘅電影獲得角色。

內文仲搵到冇具名嘅女演員透露，園子溫約佢上辦公室見面仲提出性要求，女演員表示拒絕，點知園子溫搵另一名女演員上辦公室，仲即場當住爆料人面前發生性行為！另一名受訪女演員承認同園子溫親密關係，而事後又真係得到演出機會。

利誘之餘，仲有一位爆料人試過同另一名男演員去園子溫屋企參觀，後來男演員有事走先，點知導演趁冇人在場意圖性侵，好在爆料女星力保不失。

報導出街後，園子溫透過經理人公司以一封手寫公開信回應，表示事件為觀眾及有關人士帶來不便，佢深表歉意，又認為自己作為導演自覺性不足。園子溫又指周刊內容同事實有好多不同，由於為相關人士帶來麻煩，所以會透過經理人採取相應措施，未知係咪法律訴訟。

60歲嘅園子溫學生時期已創作影片，後來正式投身電影界，拍過多套cult味濃郁作品，包括《自殺俱樂部》、《紀子出租中》、《愛的曝光》及《冷血金魚佬》等，題材挑戰道德及制度底線，風格深受影迷歡迎。去年園子溫更打入荷里活拍攝西片《鬼域囚徒》，男主角係近年瘋狂接戲「跑數」嘅尼古拉斯基治。今次事件對於園子溫聲譽有一定打擊，尤其是近年荷里活平權意識高漲，園子溫日後作品可能會被片商及影展主辦單位杯葛。

更多電影文章

電影LOL︳《魔比剎》導演爆料 謝拉列圖投入殘障角色 去廁所都扶拐杖

電影LOL︳掌摑事件手尾長 Will Smith多套新片hold住唔郁

電影LOL︳《魔比剎》未上畫就負評如潮 連片尾彩蛋都被人插「史上最爛」

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

電影LOL︳奧斯卡頒獎禮 《心之旋律》半爆冷贏最佳電影 韋史密夫喊晒首奪影帝

電影LOL︳第一位美籍華裔女星黃柳霜傳記電影 Gemma Chan陳靜確定演出

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載