電影LOL︳許鞍華擔任柏林影展國際評審 評選競賽單元得獎電影

電影界「頒獎季」展開之外，世界各地影展都準備就緒。2月15至25日展開嘅柏林影展公布國際評審團名單，成員包括來自香港嘅導演許鞍華(Ann)！

許鞍華2022年曾經為台灣金馬獎擔任評審團主席，當時喺金馬影展分享導演經驗嘅講座上，Ann自言「可能這趟來台北做金馬獎評審是最後一次了，因為我已經75歲了，也許再過兩年，我會體力不支」。估唔到事隔2年，Ann依然有心有力，為柏林影展做評審。

國際評審成員將會喺今屆柏林影展參加競賽單元嘅電影當中，選出代表最佳電影嘅最高榮譽金熊獎、銀熊獎、最佳導演、劇本、主角及配角等大獎。其他評審包括執導《黑天后》嘅美國導演Brady Corbet、《盛夏餘燼》德國導演Christian Petzold、西班牙導演Albert Serra、意大利女星Jasmine Trinca以及烏克蘭女作家Oksana Zabuzhko。至於評審團主席就由憑《被奪走的12年》獲最坐女配角嘅美國黑人女星Lupita Nyong’o出任。

今屆柏林競賽單元電影當中，由《奧本海默》男主角Cillian Murphy主演、揭示1980年代愛爾蘭天主教會黑暗面嘅Small Things Like That將會成為影展開幕電影，同時亦係電影世界首映。至於競賽單元獎項名單就會喺2月24日公布。

更多電影文章

電影LOL 今期睇咩戲︳特工亞皆老／年會不能停！／劇場版 SPY × FAMILY CODE: White

電影LOL︳泰國情慾恐怖片《邪妓》社會寫實＋情色＋靈異 勁有舊式港片風味

電影LOL︳DC女超人選角確定 《龍之家族》Milly Alcock揮低一眾女星脫穎而出

電影LOL︳犀利B登場！《壞蛋獎門人4》預告片曝光 犀利哥再升呢做老豆

電影LOL︳《芭比》失落奧斯卡最佳導演女主角提名話題發酵 希拉莉楊紫瓊發聲撐

電影LOL︳《奧本海默》13提名冠絕本屆奧斯卡 《芭比》Margot Robbie爆冷無緣爭影后

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！