電影LOL︳重啟版《忍者龜》動畫8月登場 搵Seth Rogen主理應該兒童不宜

《忍者龜》又嚟啦！之前真人版「忍者龜」造型太肌肉，一啲都唔合家歡，依家再次重啟呢個經典系列，唔搞真人版拍返動畫，將於8月4日上映。排暑假檔期，不過都唔一定合家歡適合一家大細入場觀看，因為今次主理人係一向以咸GAG同無厘頭見稱嘅Seth Rogen！

Seth Rogen前作《賤鄰》、《曳曳同學會》等，以年輕人甚至小學生做主角，不過故事就一啲都唔啱小學生睇。而佢主理過嘅動畫電影《洋腸派對》直頭係III級，連成年人睇都覺得咸 。雖然套套都咸咸地，不過超好笑!

「忍者龜」（Teenage Mutant Ninja Turtles： Mutant Mayhem)由佢及創作拍檔Evan Goldberg及James Weaver嘅Point Grey Productions監製，電影籌備長達3年，日前佢喺美國Nickelodeon Kids’ Choice Awards宣傳兼公布聲演陣容。

4位忍者龜主角全由年輕新仔聲演，包括喺《曳曳同學會》同Seth Rogen合作過嘅Brady Noong聲演Raphael、參演過Walking Dead劇集嘅Nicolas Cantu聲演Leonardo、參演過《醫人當自強》嘅Micah Abbey聲演Donatello以及Shamon Brown Jr.聲演Michelangelo。

主角無人識，不過班配角就超勁！Seth Rogen自己當然會配返一個角色，佢仲搵埋《狂野時速》系列大隻佬趙喜娜（John Cena呀！）、「蟻俠」Paul Rudd、歌壇巨星Post Malone、《賤鄰》老婆Rose Byrne、女笑匠Maya Rudolph及成龍聲演！

咁重本，因為派拉蒙要發展「忍者龜」宇宙。不過呢個星光配音陣容，嚟到香港即時黯淡無光無咩吸引力，雖然有Seth Rogen主理，呢班少年忍者龜好似好笑咗，不過片廠與其不停重啟經典系列，不如開發新故事仲好啦。

更多電影文章

電影LOL 今期睇咩戲︳流水落花／鈴芽之旅／洛奇系列：王者之後3／海邊電影院／影陌／滿江紅

電影LOL︳《洛奇外傳：王者之後3》全球3日收1億 創運動電影最高開畫紀錄

電影LOL︳《奇異女俠玩救宇宙》導演二人組唔拍片玩影相 向日本特攝片致敬

電影LOL︳戲院跑數新招 美國AMC院線出爆谷 層遞式票價 負評如潮

電影LOL︳《蟻俠》內地票房輸俾《毒舌大狀》《超級瑪利歐兄弟大電影》照攻中國市場

電影LOL︳楊紫瓊關繼威贏美國演員公會獎 奧斯卡勝算再提高？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！