電影LOL︳楊紫瓊關繼威贏美國演員公會獎 奧斯卡勝算再提高?

美國時間星期日晚舉行嘅演員公會頒獎典禮上,憑電影《奇異女俠玩救宇宙》入圍嘅華裔演員楊紫瓊同關繼威再下一城,分別捧走最佳女主角及最佳男配角殊榮,而兩者都係首位華人奪得該獎項。連帶片中演員Jamie Lee Curtis奪得嘅最佳女配角以及片中演員獲頒「最佳整體演出」,可謂風頭一時無兩。

演員公會頒獎典禮係下個月舉行嘅奧斯卡前最後一個頒獎禮,而且演員係佔奧斯卡評審團中最多席位,呢個獎嘅賽果足以預視奧斯卡張得獎名單。

關繼威得獎後相當激動,喺台上致詞時話當佢得知一旦得獎的話,佢就係首位華人獲得呢項殊榮,因此感到呢個獎唔止屬於佢,而係屬於每個力求改變現狀嘅人。曾經因為冇戲拍而轉做幕後嘅關繼威,勉勵所有追夢嘅人唔好放棄,「因為射燈總有一日照到你」。

而楊紫瓊除咗多謝大會之外,亦希望將呢個獎獻俾每個「同我睇落好相似嘅女仔」,意指每個有抱負嘅亞裔女性。

至於演員公會最佳男主角獎,就由增磅演出《鯨》嘅賓頓費沙奪得。今次賓頓擊敗勁敵《貓王》嘅Austin Butler以及《伊尼舍林的女妖》嘅哥連費路,令到3個人喺今屆奧斯卡影帝之爭更見勢均力敵,似乎真係要打開信封先知邊個行到上台。

更多電影文章

電影LOL 今期睇咩戲 ︳殘影空間/人肉搜尋2/大毒bear/哈勇家/鬼滅之刃 上弦集結,前進刀匠村/愛Plan B

電影LOL︳《玩轉腦朋友2》情緒專員大批湧現?Pixar幕後主腦爆︰最多有27個

電影LOL︳Hellboy漫改電影三度重啟 導演講明︰一定兒童不宜

電影LOL ︳荷里活新風向 商業秘辛拍成電影 《俄羅斯方塊》唔止打機咁簡單

電影LOL︳《小魚仙》預告片收負評 網友齊插︰特效可唔可以做好啲?

電影LOL︳同Joaquin Phoenix愛到喪心病狂 Lady Gaga演新版小丑女劇照曝光

電影LOL︳「趙喜娜」全面進場?John Cena黑絲短裙look拍新戲

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!