電影LOL︳《小魚仙》預告片收負評 網友齊插︰特效可唔可以做好啲？

迪士尼開拍真人版《小魚仙》之後，最多人討論嘅當然係點解會搵Halle Bailey女主角。近年荷里活要政治正確講求平權，小魚仙外表同大家想像有落差，都唔係個個夠膽講出口。但係新一條《小魚仙》預告片出街後，居然收到唔少負評。

網友睇完都認為，《小魚仙》預告片嘅電腦特效質素相當麻麻，尤其是呢期好多人先睇完《阿凡達︰水之道》，兩者都係以水底世界為背景，但係《水之道》無論製作時間同預算都更加多，令《小魚仙》更加相形見綴，俾人彈係最土炮嘅綠幕拍攝key後期效果做法。即使預告片只有30秒，但係其中一場一眾海洋生物聚集一齊嘅群戲，就有人講笑話「點解好似睇緊《海綿寶寶》」？

早前外媒Vulture一篇深入報導提到，近年有唔少製作需要大量特效嘅迪士尼，據報對旗下視效師相當chur，死線迫到癲之餘人工又唔算高。唔知係咪因為咁，《小魚仙》啲電腦特技都雞雞地？而家《小魚仙》定於5月26日上映，到時就會知套戲咩質素。

更多電影文章

電影LOL 今期睇咩戲︳蟻俠與黃蜂女：量子狂熱／風再起時／夢幻街少女／回首爾後

電影LOL︳同Joaquin Phoenix愛到喪心病狂 Lady Gaga演新版小丑女劇照曝光

電影LOL︳「趙喜娜」全面進場？John Cena黑絲短裙look拍新戲

電影LOL︳NFL 超級碗廣告黃金時段 《銀河守護隊3》《狂野時速10》《閃電俠》重本公開大片預告

第41屆香港電影金像獎提名名單 《正義迴廊》16項提名 呂爵安柳應廷爭新演員獎獨欠姜濤

電影LOL︳Marvel《神奇四俠》落實開工日期 主角人選今年揭曉

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！