雅虎香港新聞 電影LOL︳「趙喜娜」全面進場？John Cena黑絲短裙look拍新戲
唔少人都知道由摔角手轉戰影壇嘅John Cena有個中文名叫「趙喜娜」，大隻佬叫阿娜確實好大反差，但係原來可以更衝擊！
早排John Cena去澳洲為新戲Ricky Stanicky開工，被拍到以格仔短裙襯黑絲再搭對有踭boot現身。需知道「娜哥」一身肌肉多麼的澎湃，喺黑絲若隱若現之下，見到人稱「絕對領域」嘅大腿位置爆晒肌，真係睇到人想揸緊拳頭，但就好切合「趙喜娜」呢個名。
呢套新戲Ricky Stanicky除咗有John Cena之外，仲有另一大隻男Zac Efron同黑人男星Jermaine Fowler。故事講3個男人20年前一時貪玩放火燒咗人地間屋，然後佢地為咗甩身，夾口供將罪名卸俾一個叫Ricky Stanicky但唔存在嘅人。20年後佢地三個嘅老婆覺得Ricky Stanicky呢個人相當有嫌疑，於是搵人扮Ricky Stanicky試探實情。暫時未知劇中情節點樣令「娜哥」有咁大突破，但係睇到呢個look都知，套戲係喜劇啦。
Ricky Stanicky由《綠簿旅友》(Green Book)導演Peter Farrelly自編自導，並且由Amazon投得，即係話有join Prime就有機會睇吓趙喜娜為咩黑絲上陣。
更多電影文章
電影LOL︳想見你 ／ 流浪地球2／TÁR ／ 花路阿朱媽 ／ 輝夜姬想讓人告白－永不結束的初吻
電影LOL︳NFL 超級碗廣告黃金時段 《銀河守護隊3》《狂野時速10》《閃電俠》重本公開大片預告
第41屆香港電影金像獎提名名單 《正義迴廊》16項提名 呂爵安柳應廷爭新演員獎獨欠姜濤
電影LOL︳Marvel《神奇四俠》落實開工日期 主角人選今年揭曉
電影LOL︳《奪命狂呼》翻炒收得 輪到《舊年暑假搞乜鬼》拍新版
電影LOL︳Marvel宣傳《蟻俠》新片識玩！戲中爆料新書真係有得賣
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
