雅虎香港新聞 電影LOL．金像獎前奏︳五套最佳電影 《怒火》《梅艷芳》呼聲高
最佳電影提名:
1. 怒火
2. 梅艷芳
3. 智齒
4. 媽媽的神奇小子
5. 濁水漂流
題外話，呢5套戲好代表到「香港電影」呢4個字。《濁水漂流》關懷香港低下階層同《媽媽的神奇小子》溫情勵志，都係港產片其中2個典型。《怒火》係港式火爆動作片教科書，《梅艷芳》展現香港流行文化一個光輝年代，而《智齒》就係拎出國際唔失禮嘅代表作品。難得在，5套當中不乏合拍成份，但無損港味。
咁邊套有機會？我認為係《怒火》同《梅艷芳》。《梅》係香港電影圈一次大規模集體致敬活動，基本上同呢個行業有關連嘅人，唔少都參與過呢套戲嘅製作。論戲，或者部份情節唔夠深入，甚至同實情有出入，但開頭重現70年代末佐敦道熱鬧夜色嘅畫面，梅姐幾位恩人嘅恩情，都足以令觀眾重返那個老好年代，論娛樂性亦十分足夠。
《怒火》就將香港電影引以為傲嘅硬朗剌激動作片再次昇華，荷里活將電腦效果玩到出神入化，演員行入用來配上數碼效果嘅綠色幕前都做到戲，而謝霆鋒甄子丹依然喺尖沙咀跑來跑去，揸住車反擊槍手，廢棄商場同行人隧道槍戰，停車場幾層樓跳落街，全部係「香港電影」呢個招牌嘅必備畫面。陳木勝依然係掌握呢類電影嘅能手。以整體計，《怒火》稍勝一籌。
特別一提，《智齒》水準優秀風格鮮明，會係唔少人心目中今屆嘅最佳電影，但未必係大會頒發嘅最佳電影。
更多電影文章
電影LOL．金像獎前奏︳劉雅瑟瞓身演繹大戰兩大影后 女配角繼續排資論輩？
電影LOL．金像獎前奏︳謝賢大熱問鼎影帝 男配角新人力敵神級前輩
電影LOL︳《男兒當入樽》電影THE FIRST SLAM DUNK預告曝光勁吊癮 幾大疑團仲未解開
電影LOL︳外國00後著西裝去睇《迷你兵團2》成風潮甚至被禁入場 背後原因唔止為咗呃like
電影LOL︳上半年最高票房5大港產片 全部收唔過100萬 《壯志凌雲︰獨行俠》8545萬封外語片王
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
