電影LOL︳上半年最高票房5大港產片 全部收唔過100萬 《壯志凌雲︰獨行俠》8545萬封外語片王

踏入7月,係時候做個上半年年結。香港票房有限公司公布香港上半年電影票房數字。由於今年上半年有104日,戲院都因為政府防疫規定而停業,即使重開都有人數限制,上半年本地票房收入只有3億5787萬,對比疫情前2019年上半年嘅10億4586萬大跌6成半。

今年上半年只有6套港產片上映,全部都係戲院重開之後先上畫,4部而家仲係上映中。票房收入頭5位嘅港片,全部唔過100萬。最好數嘅係《逃獄兄弟3》,截至6月底收71萬3千;第2位係上畫一周嘅《一樣的天空》,收68萬2千。其餘3套係《不要忘記我愛你》、《逃獄兄弟2》同《被消失的兇案》。

一樣的天空
一樣的天空
被消失的凶案
被消失的凶案

報告提到疫情對電影界嘅影響,包括中港兩地入境後隔離檢疫規定,令工作進度受影響,因此期望新一屆政府能對電影業界伸出援手。

至於外語片嘅五大高收電影就相當醒神,上畫一個月多啲嘅《壯志凌雲︰獨行俠》8545萬票房,成為上半年外語片王。亞軍係Marvel電影《奇異博士2︰失控多重宇宙》,收6545萬;《侏羅紀世界︰統治霸權》收近4885萬排第3。另外2套係《怪獸與鄧不利多的秘密》(2323萬)及《蝙蝠俠》(1741萬)。

闔家辣
闔家辣

隨住世界各地逐步放寬防疫限制,越來越多大片即將登場,對票房應該有一定刺激。港片方面,今年2套賀歲片《闔家辣》同《飯戲攻心》都會陸續喺下半年上畫,早前上優先場嘅《闔家辣》已經收過百萬票房,即係話《闔》已經係今年最高收入港片。希望影迷下半年都會大力支持心水好電影,加油!

更多電影文章

電影LOL︳今期睇咩戲 迷你兵團2/漫畫殺人狂/孤傭兵/焚身/前科者

電影LOL︳《迷你兵團2》打破美國國慶長周末票房紀錄 疫後電影市道反彈

電影LOL︳今年拍埋第50套作品 活地亞倫預告收山

電影LOL︳傳迪士尼出天價3億美元邀再拍《魔盜王》 Johnny Depp回應︰假嘅!

電影LOL︳《青蜂俠》三度翻拍 外媒提議搵伍允龍做新版加藤

電影LOL︳股價今年跌7成 訂戶流失20萬 NETFLIX大裁員怒炒450人

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能