電影LOL︳《迷你兵團2》打破美國國慶長周末票房紀錄 疫後電影市道反彈

過咗2年新冠疫情停頓期,北美地區觀眾迎接全面解封嘅暑假,一家大細入場睇戲嘅歡樂時光返晒嚟。剛過去周末喺北美開畫嘅動畫片《迷你兵團2》食正呢個時機,未計星期一國慶假期已經收破1億美金(下同),估計全個假期後票房會去到1億2800萬,好大機會打破2011年《變形金剛:黑月降臨》1億1600萬紀錄,亦打破7年前上一集《迷你兵團》嘅開畫成績。

美加兩地逐步重新開放之後,電影票房越來越好,今年6月美國總票房收入有9億8500萬,比去年同月升咗一倍有多,雖然同疫情前每年6月起碼10億嘅數字仲有距離,但已經係好兆頭。今個美國國慶長假票房總收入,預計有2億5000萬,應該打破到歷年紀錄。

《迷你兵團2》主打合家歡,一家幾口入場當然冇得輸。反觀迪士尼嘅《光年正傳》,定位似係成年人的童話多過俾小朋友睇,票房當堂比下去,過埋呢個禮拜先僅僅過一億,同以往迪士尼作品相比的確唔多亮麗。

有人愁亦有人歡喜,《壯志凌雲︰獨行俠》上咗畫超過一個月,呢個周末仲有3250萬收,北美票房已經近5億半,全球總收11億以上。湯告魯斯應該諗唔到反應咁好,可以打敗至今全球票房有8億幾嘅《侏羅紀世界:統治霸權》。

大片以外,小本製作嘅驚慄片《接駁靈聲》成功鋸大樹,北美收入近5千萬,而成本只係2千萬咋!仲未計外地票房,加埋串流等收益,相當和味。

更多電影文章

電影LOL︳今期睇咩戲 迷你兵團2/漫畫殺人狂/孤傭兵/焚身/前科者

電影LOL︳今年拍埋第50套作品 活地亞倫預告收山

電影LOL︳傳迪士尼出天價3億美元邀再拍《魔盜王》 Johnny Depp回應︰假嘅!

電影LOL︳《青蜂俠》三度翻拍 外媒提議搵伍允龍做新版加藤

電影LOL︳股價今年跌7成 訂戶流失20萬 NETFLIX大裁員怒炒450人

電影LOL︳Ezra Miller屢犯官非 《閃電俠》傳易角 業界估一個理足以保住

電影LOL︳《熊抱青春記》男團分拆出漫畫 下一步係當真男團咁捧挑機BTS?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能