霍哥周永恒參與鍾培生拳賽擂台對戰 招募素人上台激戰

被封為「微辣清泉」嘅霍哥（霍俊邦）日前宣布離開微辣，但佢退出後首個搞作並唔係開個人頻道，反而係參與鍾培生舉辦嘅拳賽《培生擂台無敵盃2023》，與周永恒擂台對戰。

據悉，由KOL踩過拳界嘅霍哥將收6位數酬勞出賽，周永恒就收5位數字酬勞。二人均是話題人物，但對於賽果就無從估計，事關霍哥曾經習拳，亦曾有擂台經驗；周永恆2019年涉打鬥案，不過當時佢出庭自辯時透露自己腦內有水瘤，並無打交能力。鍾培生回應傳媒時，表示拳賽過程中會有血流。

鍾培生早前於「The Cage 拳上2023 終於之戰」獲勝，為進一步於香港推廣格鬥運動，決定將千萬拳酬用於推廣香港拳擊運動，所以籌辦呢次拳賽。拳賽除咗有霍哥及周永恆對決，亦舉行香港前所未有嘅無門檻拳擊大賽，公開招募全港素人上台激戰90秒。記者會將於下周一（8月7日）舉行，鍾培生致辭以外，議員容海恩將擔任嘉賓，而霍哥和周永恆將出席發言，同時設有台下發問環節。