靠陳倩揚低醣飲食法 商台DJ朱薰半年減24磅 入嚟睇餐單!

·3 分鐘文章
靠陳倩揚低醣飲食法 商台DJ朱薰半年減24磅 入嚟睇餐單!
靠陳倩揚低醣飲食法 商台DJ朱薰半年減24磅 入嚟睇餐單!

娛樂圈不成文定律︰上鏡肥10磅!於是幕前人都會盡力保持身型,而間中都要出鏡同埋做活動司儀嘅商台DJ朱薰,最近都搵到方法修身,仲要一減就24磅!

已經係兩子之母嘅朱薰今日出post,分享佢嘅減磅心得。朱薰半年前因為見到朋友由飲食入手減咗30磅,於是減埋一份。佢根據前港姐陳倩揚嘅「低醣飲食法」,少食澱粉質同糖,主要進食蔬果、蛋白質等食物,再加大量飲水,就咁搞掂。(餐單見下文)

朱薰大讚餐單「夠人性化,唔係要捱餓」,而且每周有一日食乜都得,自問唔算辛苦。佢好感謝倩揚嘅餐單,同埋工人姐姐安排食乜,又勉勵想跟住減磅嘅朋友「唔係話只係不斷追求個瘦字,而係要追求個人開心!我想大家都可以得到呢個開心」。

睇返朱薰個IG,過年嗰排的確有少少圓潤,到近期真係變返面尖尖潮媽一個,仲著得返以前啲褲,好犀利!

靠陳倩揚低醣飲食法 商台DJ朱薰半年減24磅 入嚟睇餐單!
過年嗰排面圓圓
靠陳倩揚低醣飲食法 商台DJ朱薰半年減24磅 入嚟睇餐單!
早排生日已經面尖尖
靠陳倩揚低醣飲食法 商台DJ朱薰半年減24磅 入嚟睇餐單!
睇埋全身相~

低醣飲食餐單(朱薰版本)

-食物分四類-綠色蔬菜、非綠色蔬菜(菇、三色椒、蕃茄等)、蛋白質(所有肉類)及原形澱粉質(蕃薯、南瓜等)

-需計算所需份量

-每日飲體重(以公斤計)x 40毫升嘅水

-8個星期一個循環,每周有一日Open Day可隨意進食,完成一個循環後有2星期open week,都係可以隨意進食,不過係放鬆而唔係放縱。

-頭2星期要暫停食飯、意粉、麵包等碳水化合物

-盡量8-10小時內食完三餐,晚餐7時前完成

早餐

蛋 1-2份

水果 兩個拳頭份量

奶或無糖豆漿(可以加奇亞籽)

午餐(按照8星期裏面嘅第幾星期)

Week 1/2/5/6:50%綠色蔬菜、10%非綠色蔬菜、40%肉

Week 3/4/7/8:綠色蔬菜、非綠色蔬菜、肉及原型澱粉質各25%

晚餐

蔬菜(按︰陳倩揚建議唔夠飽可以飲米奶)

靠陳倩揚低醣飲食法 商台DJ朱薰半年減24磅 入嚟睇餐單!
細女7個月大時,陳倩揚仲未收晒身

因為呢個方法而成為減磅達人嘅陳倩揚有3個仔女,前年7月生完細女之後試過最重去到138磅,後來靠低醣飲食,2個月內減走28磅!想知道詳細操作方法同埋點煮好味又健康嘅菜式,可以加入倩揚嘅你得我得行動組 facebook群組。當然最好請教下專業人士意見先啦~

靠陳倩揚低醣飲食法 商台DJ朱薰半年減24磅 入嚟睇餐單!
今年4月做《口罩小姐》評判時已經fit到漏

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能