音樂人轉型環保達人 兩大原因令盧冠廷鑽研綠色知識

·2 分鐘文章
音樂人轉型環保達人 兩大原因令盧冠廷鑽研綠色知識
音樂人轉型環保達人 兩大原因令盧冠廷鑽研綠色知識

唔少藝人都有開副業,音樂人盧冠廷(LoLo)80年代以唱作歌手姿態入行,因為2件事令LoLo成為環保達人,仲創立綠色生活用品專賣店,向大眾推廣無污染、可持續嘅生活方式。

盧冠廷嘅作品包括《陪著你走》、《但願人長久》、《天鳥》等,相當家傳戶曉。90年代中,LoLo主力做電影配樂,拎過香港電影金像獎最佳配樂,曾經為周星馳多套作品創作電影歌曲,《西遊記大結局之仙履奇緣》嘅《一生所愛》正是出自LoLo手筆。

本來事業一帆風順,點知遇著97年金融風暴,好多電影公司同廣告公司都拖數,盧冠廷認為做音樂難以維生,於是考慮轉行。

同時間,LoLo遇上突如其來嘅「怪病」,導致失眠、手腳麻痺等不適,遍尋名醫都搵唔到病因,令LoLo苦不堪言。本身患有學習障礙嘅盧冠廷,向來以自學方式了解音樂,佢為咗搵出「怪病」原因,於是以鑽研音樂嘅精神同毅力,不停睇書搵資料,終於俾佢發現身體出問題,係因為化學敏感。LoLo估計係因為當年做電影配樂期間,成日不眠不休留喺錄音室工作,吸入太多電腦所釋出嘅化學物質而引致。

盧冠廷於是改變生活模式,搬到西貢郊區居住。多年前佢接受電視台家訪,2千呎嘅屋企有太陽能發電裝置,可以供應家中部份電力;另外亦有食水去除氟氣裝置以及將廚餘發酵成為堆肥嘅設備。即使近年LoLo復出樂壇,家中製作音樂嘅電腦都會用魚缸罩住,以免再受化學物質影響。亦因為了解好多環保生活資料,盧冠廷同太太唐書琛喺西貢開設環保家品店,引入世界各地的有機產品,等大家有多一種選擇。

音樂人轉型環保達人 兩大原因令盧冠廷鑽研綠色知識
音樂人轉型環保達人 兩大原因令盧冠廷鑽研綠色知識
音樂人轉型環保達人 兩大原因令盧冠廷鑽研綠色知識
音樂人轉型環保達人 兩大原因令盧冠廷鑽研綠色知識

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能