颱風蘇拉|杏花邨海旁三大樹連根拔起 陪伴居民十數載 盼政府救樹
超強颱風蘇拉橫掃香港,曾受颱風天鴿及山竹蹂躪的杏花邨今次雖未見嚴重水浸,但塌樹隨處可見。位於區內海旁當風位置的三棵參天大樹全數遭連根拔起,當區街坊稱三棵樹陪伴居民逾十年,希望政府部門盡力救樹。
颱風天鴿及山竹襲港期間,杏花邨出現嚴重水浸,洪水淹至地下停車場,屋苑停水停電。今次居民早有預備,停車場一早清空。居民鍾小姐向《Yahoo新聞》表示,感覺蘇拉的風力未及天鴿和山竹,「係無咁大風,破壞都少咗好多,起碼啲磚冇挖起哂」。
民政處業委會視察
9月2日日間仍掛8號風球,但風勢逐漸減弱,鍾小姐與不少街坊到海旁散步,有職員到場清理地上凌亂的雜物。杏花邨遊樂場面向海旁的圍欄被吹倒,塌樹隨處可見。當中包括海旁地標、三棵位於遊樂場的大樹,估計最少有十多年歷史,希望有機會救回,「呢三棵樹陪咗居民好多年,都幾可惜」。現場多名居民圍觀及拍照,鍾小姐指期間有民政處及杏花邨業委會人員視察三棵大樹情況,「我聽到佢哋話,諗緊呢三棵大樹有無機會救得返」。
三棵大樹倒塌事件在居民群組引起熱烈討論,有人稱晚上在海旁跑步都會欣賞大樹美態,亦有人記得原本該處有五至六棵同類大樹,但經過天鴿、山竹及蘇拉風襲後,已先後全數倒塌。有居民對此大嘆可惜,「三棵都好靚,就咁冧咗」;亦有人稱對三棵樹有多年感情,「真是難捨,永遠在心中懷念你們」。
康文署:安排補種
康文署向《Yahoo新聞》表示,根據署方初步評估,杏花邨遊樂場三棵柱狀南洋杉的樹根均已折斷。署方會盡快移除有關塌樹,並安排補種合適樹種。
相關報道: