食得有營:麥皓兒運動減肥搣甩40磅

麥皓兒自有一套Keep Fit方法。
麥皓兒自有一套Keep Fit方法。

藝人麥皓兒參選港姐時體重只有90多磅,後來停工讀書,因壓力大1日食6餐,結果體重失控,高峰期重達145磅,笑言變了「重磅皓兒」,直至拍攝《寶寶大過天》飾演商天娥年輕版被批肥過娥姐時,才立定決心減肥,結果1年內成功搣甩40磅,現時約105磅。

她分享收身方法以跑步和健身為主,由1、2公里開始跑,慢慢加到5公里,一星期跑3次,她覺得健身要循序漸進讓身體排汗,待身體適應運動後再開始學習跳舞,每星期跳3次,每次跳3小時:「減肥要聆聽身體反應,搵啱自己方法,過分節制飲食,壓力大唔開心會有反效果,我鍾意跳舞,運動量大,就算食量大亦可減磅。」現時她維持1日吃4餐,早到晚離不開最愛的澱粉質,早餐會吃蕎麥麵或肉醬意粉;午餐多數吃麵包,如炒滑蛋芝士多士;晚餐吃日式豚角煮飯、壽司或打邊爐,還會吃薯片或雪糕做消夜。

體形磅數勿掛鈎

註冊營養師(澳洲)劉嘉豪指無論用健康飲食或做運動減肥,勿將體形和磅數掛鈎,否則容易失去動力:「減肥時發現達唔到標就好想放棄,難於堅持咁就會出現惡性循環,容易翻肥,所以喺減肥嘅過程中,唔好受未理想嘅外形及體重影響到。」

麥皓兒靠做運動循序漸進減磅。
麥皓兒靠做運動循序漸進減磅。