首位港產AV女優 素海霖曾認偷食以報復男友出軌 最終搞到入院

KOL素海霖（Erena）成為日本AV片商Faleno首位外籍女優，將以「絵麗奈」之名4月推出作品（番號FSDSS-644)。素海霖以AV女優為夢想工作，本身作風大膽嘅佢，承認因為喜歡性愛而想拍AV，仲試過自爆偷食經歷。

Erena去年以嘉賓身份現身ViuTV節目《晚吹 – 戀講嘢》，大談「偷食」。佢話係因為發現男友偷食，於是「以其人之道還治其人之身」，以出軌作報復。素海霖計過當時一年出軌四至六次，但係未能奏效，因為男友根本唔知！Erena因此嬲爆，反而不打自招，拎出同第三者聯絡嘅訊息畀男友睇，對方盛怒之下動粗。之後男友以為Erena又偷食而再郁手，結果搞出流血事件，男友用刀割傷佢，最終Erena入院縫針留下疤痕。

2年前素海霖開始走入公眾視線，當時電影《#PTGF出租女友》搞試鏡，Erena獲起用並且同男主角趙善恆有對手戲。電影上畫時，Erena以電玩人物不知火舞嘅性感造型現身，成功搶fo。後來佢又仿傚日本女生唔帶胸圍散步拍片嘅手法，拍咗條「港版乳首散步」行尖沙咀海傍嘅片。此外，素海霖亦有經營收費平台，會員可以睇到唔少噴血「福利圖」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！