香港農青｜90後漁民養本地珍珠 為家族魚排轉型 「天然嘢可以咁靚」

Woody 家族的魚排在西貢黃石碼頭對外的一個小海灣。訪問當日，記者來到黃石碼頭，不久便見到 Woody 的舅父駕快艇迎接，乘艇數分鐘就能躍上「西貢深灣養殖魚排」。Woody 的父親是西貢漁民，數代前已是布袋澳原居民。他自小與大海打交道，雖未如上一輩般在船上起居飲食、在魚排過夜，但讀中學時周末會到魚排幫忙。

最初 Woody 沒打算當漁民，而是到台灣攻讀營養學，之後發覺興趣不大就棄讀回港，「比較迷惘，加上喺外地，就會諗起屋企，不如返嚟啦！」做過其他兼職後，三年前決定踏上魚排，負責網上銷售及推廣，家人亦喜見 Woody 幫忙。現時魚排的 facebook 專頁有逾 8000 人追蹤讚好，亦不時參與相關展覽推廣魚產品。

Woody 家族除經營魚排外，亦有捕魚船捕魚，魚排養著金頭鯛、沙巴龍躉、藍瓜子斑、扇貝和蠔，近期就試養龍蝦和墨魚。Woody 的舅父是魚排老闆，其友人曾建議試養珍珠蚌，直至 Woody 到魚排工作就接手負責這個「珍珠 project」。從飼養近萬隻「馬氏珍珠貝」、製作珍珠產品，到舉辦導賞團及推廣事務，全由 Woody 包辦。珍珠蚌被剖開採珠後，珍珠會造成飾物，蚌肉則用來製 XO 醬。

回想第一次剖開珍珠蚌的經歷，Woody 覺得相當神奇和感動，「原來天然嘅嘢係可以咁靚！」他指早在五代十國年代（公元 907 年至 960 年間），香港已有漁民養珍珠蚌及採珠，「喺個海度搵珍珠（蚌）苗，搵到無，就無下一代」。至近年他們再度在內地尋得珍珠蚌苗，重新在港養殖珍珠蚌，「而家做到啲產品出嚟，了解咗養珍珠蚌嘅歷史等等，就覺得意義幾大，會做多啲導賞」，希望向更多市民講解珍珠種類、生長過程等。

養成一粒珍珠，一般需要最少三年。Woody 坦言養珠需時頗長，導致收成及收入不太穩定，導賞團也並非長開長有。

對於會否視漁民為終身事業，他稱「無諗太多」，但認為漁業發展潛力大，「每個月都有新嘅嘢想做，無話終極目標想成為點樣……做到就會繼續做落去」。Woody 視這個本地珍珠養殖計劃為魚排轉型鋪路，「養魚嘅過程好唔穩定，附近好多魚排已經唔係養殖，而係拎咗休閒垂釣牌畀人養魚」，加上老一輩一直認為漁業生計都是聽天由命，希望魚排發展更多項目。他亦開始涉獵捕魚和養魚工作，希望往後魚排可多線發展，養魚、捕魚、養珍珠同時進行，分散風險，延續魚排生命。

在香港，當漁民的青年買少見少，Woody 曾在會展參加展覽，向客人推銷自家曬製魚乾：「我哋自己捉自己曬㗎！我都係漁民嚟㗎！」怎料客人不相信：「你係漁民？我係農民啦！」作為新一代全職漁民，Woody 感慨港人並不重視本地魚或本地海鮮，「啲人純粹諗大陸嘅平咁多，點解唔買大陸嘢呢？」亦有客人未必認同「香港嘢就會值個貴啲嘅價」。

現時 Woody 家的魚排已獲「優質養魚場」認證，他認為香港人可對香港海產更有信心，「了解咗啲魚係優質魚、有認證、食都食得有信心」，嘗試多購本地魚。同時他亦希望更多人知道香港有漁民正努力地捕魚、養魚再製成「無添加」魚類產品，如魚乾、蝦乾等；未來亦會研究拓展寵物食品業務。