馬國明湯洛雯預演婚後生活 愛巢曝光好客開P

馬國明湯洛雯預演婚後生活 愛巢曝光好客開P

藝人馬國明自從表明有意明年同女友湯洛雯結婚後,佢哋依家愈嚟愈高調,更喺社交網經常公開合照放閃,擺明唔再介意畀大家知道佢哋日日黐到實,小情侶日常亦公開任人睇,就好似早幾日佢哋孖住同好友黃嘉樂慶生,頭貼頭合照無遮無掩,估唔到依家佢哋連喺愛巢開聖誕P都唔再怕畀人知,由親自湯洛雯晒出大合照,令私竇曝光!

見佢哋全屋布置晒聖誕裝飾,儀式感夠晒重,兩大主角依偎冧笑,心情靚爆,同場仲有女神蔡思貝。湯洛雯又留言:「今年最後一個聖誕派對完成。」似乎佢哋合體做主人家嘅場合都愈嚟愈多,似足預演婚後生活,So sweet!

湯洛雯(下排左二)同馬國明(下排右二)今次連愛巢都公開埋。
湯洛雯(下排左二)同馬國明(下排右二)今次連愛巢都公開埋。
下年等你好消息!
下年等你好消息!