馬國明:我盲咗! 劉穎鏇三點式晒豪乳K.O.劉佩玥

·2 分鐘文章
劉穎鏇穿上三點式大騷索爆身材!
劉穎鏇穿上三點式大騷索爆身材!

無綫小花劉穎鏇與劉佩玥昨日為新劇豁出去,罕有以泳裝登場,不過前者以三點式上陣晒34.5D豪乳,又於泳池戲水盡現女神Feel,不費吹灰之力擊敗一件頭的劉佩玥。

視帝馬國明、陳山聰、郭子豪、劉穎鏇(Tiffany)及劉佩玥(Moon)昨日於油塘某豪宅會所為無綫新劇《隱形戰隊》取景,男士們以臥底身份保護泳裝上陣的Tiffany及Moon,當中馬國明更化身汶萊富家子拯救被其他男士纏繞的Moon。

自選港姐後激罕穿泳裝的Tiffany,三點式現身晒腹肌及馬甲線,又不吝嗇騷驕人上圍於泳池戲水,盡現女神Feel。事後她笑指心情緊張又怕醜:「頭先行出嚟我有選美嘅感覺,之後喺泳池上水嘅時候就好驚走光。(馬國明話今日盲咗,唔敢望你哋!)有啲咁嘅事?咁頭先佢企喺我隔籬係望住我對眼嘅,好乖。」更指為了該劇早於半年前已開始Keep Fit。

Moon則穿上一件頭泳衣,下身再披一層薄紗,論性感程度遠不及Tiffany,對此她笑說:「今日好多工作人員咁講,但係劇情需要,佢係模特兒身份,我就扮馬國明女友去吸引富二代,所以造型高貴啲。(咁嘅造型唔怕走光?)其實我都有少少衩,坐喺張太陽櫈度都易走光。」

冇向湯洛雯備案

馬國明被取笑艷福無邊?他卻笑說:「我今日盲咗,唔可以亂講嘢,只係見到山聰好有型。(冇同女友湯洛雯備案?)就係冇報,所以今日咪盲咗囉!但平時佢都有叫我睇,仲會問我,我唔係好識觸摸,所以佢問就啞,即係又盲又啞囉!(好驚女友聽到你講其他女仔?)佢會睇我啲訪問,如果有直播可能睇緊添!(即係佢係醋娘子?)又唔係,佢都好大方嘅。」

劉佩玥水着Look封胸騷腿,係輸蝕啲!
劉佩玥水着Look封胸騷腿,係輸蝕啲!
劇情需要,馬國明奉旨望實劉穎鏇,又可攬實劉佩玥。
劇情需要,馬國明奉旨望實劉穎鏇,又可攬實劉佩玥。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能