馮皓揚奪金像獎最佳男配角即入讀TVB藝訓班惹網民熱議:你教返袁偉豪做戲就差唔多

馮皓揚奪金像獎最佳男配角即入讀TVB藝訓班
馮皓揚奪金像獎最佳男配角即入讀TVB藝訓班

馮皓揚(羊羊)憑《媽媽的神奇小子》「少年版蘇樺偉」一角勇奪《第四十屆香港電影金像獎》最佳男配角。馮皓揚自細對演戲深感興趣,曾參與童星訓練班,原是應屆DSE考生,去年決定輟學追夢;最終以17歲之齡撼贏古天樂、林雪等入圍者。不過,馮皓揚奪獎後隨即現身TVB最新一屆藝員訓練班,惹嚟網民熱議?

馮皓揚於金像獎台上分享得獎感言,指會用自己最大努力演好每個角色報答家人:「繼續謙虛做每個角色,做個出色的香港演員。」而原來,馮皓揚早已報讀TVB藝員訓練班,從逾2600人中脫穎而出成為24位香港學員之一,為期6個月課程由金像導演陳德森擔任校長;導師方面包括羅冠蘭、鄭丹瑞、曾志偉、錢嘉樂、譚俊彥、袁偉豪等藝人。網民對馮皓揚此舉動感到驚訝,首先對導師實力有保留, 又笑指馮皓揚呢個決定會唔會令佢之後長駐《愛•回家》,紛紛留言:「拎完金像獎先去TVB第一人」、「以前啲電視出身嘅電影明星都想盡快搣甩陣電視味,佢就咁搞笑調轉走去浸啲電視味出嚟」、「想去拍愛回家?」、「佢拎左奬出到嚟好快有劇拍,但要賣身比tvb幾年」等等。仲有唔少網民喺馮皓揚IG留言力勸佢退出TVB:「點解你要自貶身價入tvb呀,你教返袁偉豪做戲就差唔多」、「做咩咁睇唔開,讀演藝好好多囉….都係個句,TVB不了,88啦」、「Drop out 啦拎左獎仲讀咩藝員訓練班」、「入tbb真係玩完!請必須要積極考慮退出tbb藝訓班!」等等。

曾患輕度亞氏保加症、專注力不足及過度活躍症嘅馮皓揚其實參演過唔少電影,包括《入鐵籠》、《被消失的凶案》,亦曾於TVB劇集《愛上我的衰神》飾演胡鴻鈞少年版,與羅蘭有唔少對手戲。馮皓揚回應入讀TVB藝員訓練班一事時,表示自己喺講嘢方面比較弱,希望糾正懶音,變得字正腔圓。

《第40屆香港電影金像奬頒奬典禮》截圖
《第40屆香港電影金像奬頒奬典禮》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《娛樂新聞報導》截圖
《媽媽的神奇小子》劇照
《媽媽的神奇小子》劇照
《媽媽的神奇小子》劇照
《媽媽的神奇小子》劇照
《媽媽的神奇小子》劇照
《媽媽的神奇小子》劇照
馮皓揚
馮皓揚
馮皓揚
馮皓揚
馮皓揚
馮皓揚
馮皓揚
馮皓揚
馮皓揚
馮皓揚

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!