魏浚笙擔任叱咤表演嘉賓獲讚睇得又唱得 遭疑似鏡粉留言狙擊

《2022年度叱咤樂壇流行榜頒獎典禮》
《2022年度叱咤樂壇流行榜頒獎典禮》

《2022年度叱咤樂壇流行榜頒獎典禮》喺元旦日晚已經圓滿舉行,當晚除咗MIRROR及COLLAR成為焦點之外,表演嘉賓Jeffrey魏浚笙同樣備受關注,獲網民及前輩歌手大讚歌藝,不過亦有疑似鏡粉給予負評兼留言狙擊佢。

Jeffrey魏浚笙成為2023年第一位樂壇男新人,日前自資六位數字推出首支單曲《第一個謎》,歌曲唔單止已經成為YouTube熱爆影片第一位,Jeffrey仲喺《2022年度叱咤樂壇流行榜頒獎典禮》以表演嘉賓身份獻唱新歌,唔少前輩歌手大讚,例如陳子豐「傻希好叻仔啊~」、林奕匡「Really happy for you! You were so poised on that stage!」、藍奕邦「Jeffrey BB乜咁靚聲底+唱得架咩」,同時大批網民亦有留言大讚佢睇得又唱得,包括「好有驚喜,第一次唱live 算幾好,係感情未夠投入啫!起碼唔會好似嗰個最受歡迎歌手靠伴唱掩飾」、「煨sir有驚喜呀」、「靚仔呀,有驚喜」、「唱Iive啲音同腔穩陣過好多人」、「Live唱得好好 真心意料之外禁(咁)好聽 加油」、「第一次係大舞台唱Live已經好唔錯 叻仔」、「叻仔!出年新力軍呀!」、「2023新人男金」、「你做得好好,咖啡豆為你驕傲」及「下年叱咤新人獎金奬一定係你」等等。

不過同時亦有疑似鏡粉對Jeffrey給予負評兼留言狙擊佢,將佢同「我最喜愛的男歌手」得主「教主」Anson Lo作比較,仲話Jeffrey好普通、唱歌麻麻地,要好好向教主學習。另外,亦有網民指Jeffrey同MIRROR撞衫,兼話佢「係咪陰謀論想做MIRROR第十三人?」 ,不過就有網民為Jeffrey抱不平,回應指Jeffrey套衫係由品牌喺歐洲直送嚟香港,同MIRROR搵人造衫唔一樣。

Jeffrey 魏浚笙
Jeffrey 魏浚笙
Jeffrey、Edan & 阿正
Jeffrey、Edan & 阿正
《2022年度叱咤樂壇流行榜頒獎典禮》
《2022年度叱咤樂壇流行榜頒獎典禮》
《2022年度叱咤樂壇流行榜頒獎典禮》
《2022年度叱咤樂壇流行榜頒獎典禮》
Jeffrey 魏浚笙推出首支個人單曲《第一個迷》
Jeffrey 魏浚笙推出首支個人單曲《第一個迷》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!