釣魚發燒友自學 成港首個魚拓藝術家 為寵物魚留念告別 宣揚護海

【Yahoo 新聞報道】魚拓是日本流行的千年技藝，在香港卻甚為冷門。90後釣魚發燒友Tommy透過自學成為本港首個魚拓藝術家，為客人的漁獲及離世寵物魚繪製魚拓作品，在一紙之間留下魚兒的一生，留為紀念之餘，也是一場告別式。在香港垂釣十載，Tommy見證海洋環境和水質大不如前，冀透過這門技藝記錄海洋生物的特徵和美態，提醒大眾每個生物種類都是獨一無二，「可能大家唔會避免到食魚，但可以控制到自己唔好破壞個海洋」。

文字記者：盧珮瑤

攝影記者：Oscar Liu

魚拓是利用墨汁或顏料，把魚的形態拓印到紙上，起初垂釣者藉以記錄漁獲實際尺寸並留念，被視為釣魚者的藝術，在宋代盛行，其後傳到日本。Tommy在小學時期受父親薰陶愛上釣魚，8年前利用魚拓為漁獲留念，自習成才，創辦「香港魚拓」，成為本港首個魚拓藝術家，「我人生格言係，如果無人做，不如自己試吓做」。

黑白更真實 潑墨增動感

傳統魚拓分為「直接魚拓」和「間接魚拓」。前者將墨水直接塗抹魚身，用宣紙覆蓋並輕輕按壓出魚兒形態；後者則相反，魚兒本身不沾墨水，藝術家先以宣紙覆蓋魚身，利用拓包等工具沾上墨水進行拓印。Tommy形容前者較粗獷，像男生，「直接（魚拓）啲紋理會比較不羈啲」，後者則較優雅，像女生，「間接（魚拓）係慢慢印啲紋理上去，一層一層慢慢整，變咗佢會仔細啲」。

Tommy亦會拓印貝殼、蟹、墨魚等，集海洋世界於宣紙之上。魚拓界有不少色彩斑斕的作品，他卻堅持以黑白為主，「反而加咗顏色同佢真實形態會有出入，用黑白深淺去呈現佢嘅特點，真實感會強啲」；配上潑墨營造魚兒動態，「有啲齋拓印未必可以咁有動感，潑墨可以畀人感覺到條魚仲游緊」。

於蟬紙之間 盛生命之重

魚拓藝術家一般先把漁獲冷藏或把魚腮放血，拓印前反覆沖走體內黏液。Tommy解釋，魚死後身體會萎縮，需用針固定背鰭等部位，還原完整體態才拓印，「魚拓時你係真實掂到條魚，見到佢嘅身體特徵，會令人同佢build up到個connection」。他限時30分鐘內完成整個拓印過程，以免魚質變壞，全因他對魚兒和食物的尊重，「一條魚佢本身嘅目的係畀人食，印完之後我哋都係會食咗佢，我成日覺得要尊重個生命，魚拓係記錄生命嘅過程，唔係目的嚟」。因此他使用的墨水源自無毒無害的有機碳，拓印後簡單清洗就可煮食。

要為漁獲留念，古有畫畫、現有拍照，Tommy認為魚拓的意義在「於蟬紙之間盛生命之重」，「佢就係一張好似蟬紙咁薄嘅宣紙，但確確實實咁同條生命接觸過，通過呢個作品你會感受到生命嘅重量，有種佢曾經就出現喺你面前嘅感覺」。

延續魚兒生命 宣揚海洋保育

他7年前創辦「香港魚拓」，曾為堂弟已過身的寵物魚做拓印，「嗰刻有種原來你嘅作品對人哋真係好緊要，係一個生命嘅延續」。訪問當日，Tommy亦為自己飼養數年、剛離世的魚兒做拓印。他是主人也是拓印者，魚拓變成告別式，「到自己嘅時候，會諗返原來有咁長時間，佢每一日喺屋企都陪住你，呢刻你就用魚拓將佢記錄低，真係同佢say goodbye（說再見）」。

為了讓人進一步認識魚拓，Tommy舉辦工作坊和展覽，並將技藝擴展至不同媒介，例如「電子魚拓」。客人只需為魚兒拍照，Tommy利用電腦繪圖製作魚拓作品或明信片，「可以打破空間地域限制，例如幫一個美國嘅釣友去畀佢留念」。近年他開創香港獨有的魚拓風格，例如在作品加上魚兒背鰭標本，加強真實感，「例如『大眼雞』，你平時會覺得係紅色，但其實佢腹鰭係有黑白波點嘅紋理，魚拓可以令你了解到唔同魚嘅特點」。

作為資深釣魚愛好者，Tommy見證香港水質日益變差，「細個去將軍澳工業邨嗰邊釣，當時未起日出康城，可以見到好多海膽、海葵，而家起樓又有堆填區，固然水質差咗」。要保育海洋和海洋生物，魚拓正是吸引大眾認識的第一步，「環保有一環係要喚醒大眾嘅awareness（意識），可能大家唔會避免到食魚，但可以控制到自己唔好破壞個海洋，魚拓會提醒你每日食緊嘅魚都奉獻咗自己去貢獻你嘅生命，係一個好好嘅媒介去教育大家」。

• 更多綠色新聞🌍資訊，即睇「Yahoo可持續發展」專頁！