魚樂無窮│定存KOL話你知 銀行開戶魔鬼細節（唐牛）

近期港元轉強，拆息抽高，銀行offer的定期存款息率亦有所提升，由2厘幾升至3厘幾，最新更升穿4厘。我作為定存KOL，曾經在facebook提醒大家，超高息的定存plan（如6厘甚至更高），一定有魔鬼細節，「兩高一長」等住招呼你，內容請在facebook post尋找，不在今次討論之列。

下載Yahoo財經APP

美股外幣即時報價 多國新聞任睇

開戶與息率有mismatch

今日想講嘅開戶魔鬼細節，發生在兩間中型銀行，同樣給予逾4厘的利息優惠。第一間，早前賣通街破4厘的定存，存款期6個月，但package其實分開兩部份，一部份是3厘幾的定存息，另一部份是現金回贈，兩者加起來息率才超過4厘。魔鬼細節在於，現金回贈要年底才能收取，但該筆定期早在11月到期，由於存款要到12月底才能全數取回，故存戶或要硬食1個月的低息。

第二間，同樣標榜逾4厘高息，不過每日都會浮動，今日4.3厘，明天又會變成4.1厘。這個問題其實不大，因為海鮮價時有發生，但魔鬼細節在於，該行只容許網上開戶，需時數個交易日，所以你被高息吸引開戶，當戶口開通之時，你又未必趕得切取得心儀的息率；取消戶口的話，更是一年內不能獲得新客優惠。

都係嗰句，做定存都係為了低風險高回報，如有其他不明朗因素，也要計算在內，諗諗係咪值得入場。

延伸閱讀：港元定期存款利率大比併 邊間銀行最高息？

唐牛

fb︰https://www.fb.com/tongcow88

IG︰https://instagram.com/tongcow_88

YouTube︰https://www.youtube.com/channel/UCLwEpfQ6w1d-MUVlAS86QcQ

本欄逢周二刊出