麥明詩盛勁為絕蜜婚照曝光 3月拉埋天窗

「十優港姐」麥明詩（Louisa）早前被拍到與參加無綫《衝上雲霄大選》的飛機師盛勁為蜜遊hi 日本沖繩傳緋聞，去年10月麥明詩出席公開活動時首次認愛。今日一名婚嫁界著名的攝影師，透過社交平台分享了一張麥明詩的相片，見麥明詩穿了優雅的短袖款式婚紗，坐定定地被化妝師和髮型師扮靚，而坐在她後方的正是男友盛勁為，在鏡的反映中亦清𥇦可見盛勁為的帥臉。而攝影師打上caption：「今日嘅新娘子。」

東網聯絡上麥明詩母親麥何小娟，問她今日是否嫁女？麥母全程好開心，笑住表示：「唔係今日，你自己問佢啦！我唔敢多嘴。（你係咪好開心？）我時時都開心。（對盛勁為好滿意？）唔評論，阿女鍾意就滿意。」再問麥明詩是否要趕派利是？麥母封口，指不方便講。另外，好友馮盈盈則表示：「一切都等Louisa講先啦～總之Louisa開心，我就替佢高興。」至於麥明詩舊愛林作，被問到舊愛麥明詩結婚一事？他稱：「冇回應！我貫徹始終，對任何前度嘅事都冇回應。」據悉，盛勁為早已求婚成功，二人將在3月拉埋天窗。