黎耀祥酒後吐真言 爆阮兆祥梅小惠情史

視帝黎耀祥與阮兆祥合作主持節目，笑言要互揭私隱，期間黎耀祥突然爆阮兆祥、梅小惠與曾偉權昔日的「三角關係」，令在場人士目瞪口呆。二人又爆錄影時飲醉酒，被迫叫停！

「雙祥」昨日出席myTV SUPER節目《雙祥見》記者會，場面熱鬧。該節目是二人繼劇集《娛樂插班生》後，相隔約30年再次合作。今次由節目製作總監梅小惠負責「牽紅線」，阮兆祥坦言聞得可以與「視帝祥」合作，獲邀後即一口答應。

36集節目中，二人表示會互揭私隱，黎耀祥笑言：「我會爆阮兆祥、梅小惠同曾偉權當年嘅『三角關係』喎。」阮兆祥即說：「希望佢講完（爆料秘聞），會話畀我聽主角係男定女，（名字）兩個字定三個字。」黎耀祥接口：「做完晒節目，真係可以同啲觀眾玩吓遊戲！」

頂唔順「戒酒」

由於梅小惠想「雙祥」放鬆錄影，頭4集安排他們邊飲酒邊做節目，希望酒後吐真言，但想不到二人「溝酒飲」搞到大家不勝酒力，故錄影第5集要「戒酒」！黎耀祥笑言要跟阮兆祥學習，希望將來於綜藝節目獲獎。問到會否考慮「添食」？「雙祥」說：「都未錄完，36集先啦，正所謂做又三十六、唔做又三十六，哈哈！」

提到好友曹永廉因政治風波，近日避見記者，黎耀祥淡然表示：「呢排我冇開劇，冇返公司，暫時冇聯絡佢，見到面會慰問吓，佢咁嘅年紀係需要人關心。（佢同蕭正楠、黃翠如關係冇變？）真係唔知，冇見過佢哋，下次問吓。」