黑色暴雨︳鄭希怡遇水浸座駕死火入水 林泳淘涉水外出浸到小腿
尋晚一場大暴雨,雨量打破香港天文台紀錄,唔少市民揸車遇上馬路水浸,十分狼狽,一班藝人都不能倖免。
鄭希怡Yumiko凌晨喺IG分享,自己座駕遇上水浸,死火之餘仲話有水湧入車內。結果Yumiko下個post,就係拍片見住啲水入咗車廂內喇。而Yumiko嘅好姊妹容祖兒,尋晚出去睇另一姊妹阿嬌鍾欣潼新片《女子監獄》,睇完戲之後祖兒揸車返屋企,同樣遇上路面積水,但祖兒比較好彩可以出身而退,不過佢發文話「路面有唔同嘅大型垃圾 / 啱啱仲見到個石油氣罐添」,可見雨勢幾咁勁。
而另一藝人林泳淘亦喺IG分享story,話上一秒佢老公仲形容場雨「仲大水過花灑」,結果下一個post林泳淘就已經要涉水出去救車,而從畫面可見,當時水深去到Wingto小腿。
而藍奕邦出去食飯之後都遇到大水,被困餐廳!
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!