12怪盜︳姜濤Stanley回應Jeremy發火鬧fans 呂爵安何啟華扮保安成功離開謝票現場

MIRROR首套全團演出電影《12怪盜》正在上映，MIRROR各成員亦相當落力出席謝票活動，不過日前姜濤、邱士縉Stanley同Jeremy李駿傑離開戲院時，大批fans喺停車場等候，情況一度混亂，向來以花美男形象示人嘅Jeremy少有發火，大聲叫FANS「可唔可以讓返條路」，惹來網民討論。

尋日姜濤同「大表哥」Stanley一齊去謝票，被問到有冇見過Jeremy咁嬲，姜濤起初講笑話「佢私下都係咁」，後來澄清係講笑，而且好少咁樣，出聲只係因為佢擔心大家安全。而Stanley都幫手打圓場「佢見到危險，因為大家衝埋去架車度，架車又撞歪倒後鏡，佢擔心大家整親」。Stanley仲講笑話見過Jeremy咁嬲，就係打麻雀嗰陣！

而喺另一場謝票場，ERROR成員阿Dee（何啟華）同MIRROR嘅Edan扮成保安員現身謝票場，喺愚人節俾驚喜fans之外，佢地仲喺另一MIRROR成員Jer柳應廷完成謝票後「護送」阿Jer離開戲院。最搞笑係唔少fans湧上前接近阿Jer，但完全冇人為意2位星級「實Q」，仲俾阿Dee同Edan成功上保母車離開！下次出呢招，可能Jeremy就唔駛爆seed鬧人喇。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！