14歲「美心妹妹」Celine楊鎧凝變身美少女 考獲日語N3資格動靜皆宜

現年14歲「美心妹妹」楊鎧凝（Celine）3歲已經入行拍廣告，2013年憑美心廣告而廣受認識，高峰期曾接拍20幾個廣告，更參與TVB《愛我請留言》、《陪著你走》等多套劇集拍攝。不過隨年齡漸長，楊鎧凝減少拍劇專注學業，但仍有積極經營社交平台，分享生活。

楊鎧凝2012年開始每年與爸爸農曆新年行花市都會拍攝一張背影照，今年農曆新年嗰陣，楊鎧凝就將12年嚟嘅背影照合拼成一張圖片並上載至社交平台，以記錄自己3至14歲嘅成長。從照片中睇到，昔日嘅小豆釘已經亭亭玉立，除咗明顯長高，衣著打扮更見少女感。

熱愛日本文化嘅楊鎧凝早前更分享自己考獲日語能力N3證書，表示係白色情人節最好嘅禮物，之後會向N2進發；網民就留意到楊鎧凝所穿嘅校服上掛有「風紀」及「班長」襟章，大讚佢叻女。楊鎧凝平日亦有做運動習慣，例如拉筋、體操、打籃球、網球、游泳、及花式溜冰等，去年11月更得到「ISI香港滑冰賽2022」亞軍，可謂動靜皆宜。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！