18歲炎明熹突破A0？一舉動疑暗交ViuTV《造星5》Kakit

現年只有18歲嘅炎明熹（Gigi），喺2020年參加TVB《聲夢傳奇》，以三料冠軍頭銜強勢入行，入行後已經瞬間走紅，擁有大量香港及內地粉絲，被封為「新一代樂壇小天后」。自稱A0嘅Gigi早前喺接受傳媒訪問時指自己已經準備好拍拖，近日就有網民發現佢疑似暗交ViuTV《全民造星V》出身嘅鄧家杰（Kakit）。

Gigi與Kakit喺上年年尾一個倒數活動上首次認識，當時同場嘅仲有魏浚笙（Jeffrey）、《全民造星V》詹仕偉（Snoopy）及李嘉俊（Carson），不過活動結束後，Gigi只係追蹤咗Kakit嘅IG，而Kakit亦有追蹤Gigi嘅IG。最近有網民發現佢哋經常秒讚對方嘅PO，所以認為二人關係非比尋常，引起網民熱烈討論。不過呢個秒讚舉動被發現後，Gigi已經將之前派過嘅like收回。同時亦有網民好奇Kakit未有簽約ViuTV，係唔係因為簽咗Gigi所屬嘅公司，或者係二人將會有合作嘅機會。對於二人嘅關係，有網民猜測二人係拍拖，同時認為呢個年紀拍拖係好正常嘅事，唔需要大驚小怪。另外，亦有網民認為二人應該係朋友關係，互相俾like係好正常，因為ERROR成員Poki都成日like鍾柔美（Yumi）嘅PO。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！