2022人物｜喵坊 Mil Mill 創辦人投資重心擬轉新加坡 嘆香港原地踏步：無精力再拖落去

【Yahoo 新聞報道】「算啦，無精力再拖落去」，全港唯一紙包飲品回收廠「喵坊Mil Mill」逼遷事件在社會引起巨大迴響，創辦人葉文琪選擇在風眼中後退。廠房不獲科技園續租，社會曾經群情洶湧，有市民集體將紙包飲品盒變明信片，寄給政府以示不滿，公眾因此更認識Mil Mill以至其回收工作。然而困局未見轉機，租約明年中到期，葉接受《Yahoo新聞》專訪時透露，現正考慮租用昂船洲用地轉移部份工序，未來亦會於新加坡設廠，更擬將投資重心移至當地，「（香港）咁嘅環境，真係唔值得再掉咁多錢、心機落去」。

文字記者：盧珮瑤

攝影記者：朱永倫

千萬廠房日收3噸飲品盒、10噸雜紙

10多年前，葉文琪對回收業仍有憧憬：希望將香港廢紙回收打漿，賣予其他地方製作不同產品再在港銷售，形成循環經濟。2009年，他與拍檔成立資訊機密處理有限公司（SSID）回收辦公室機密文件，並計劃在香港成立紙漿廠，2017年獲批政府回收基金，經過兩年覓地，成功投得元朗工業邨廠房現址。「當時呢個廠房丟空咗10幾年」，日久失修，葉擲一千萬元建廠，請師傅將打漿機逐塊燒焊，鋪電纜、打地基，「班師傅好自豪做到呢個project（項目），開幕嗰日著晒西裝嚟影合照」。

立即下載Yahoo新聞APP

【新聞專題：2022 年大事回顧】

Mil Mill於2019年誕生，現時每天回收3噸紙包飲品盒、10噸雜紙，出口約25噸濕紙漿，「我哋希望Mil Mill係一個攝石，吸多啲掉去堆填區嘅紙嚟到呢度」。回收業界多用錢買廢紙、紙皮，葉堅持不走這條路，「淨係買賣唔係一個可持續發展」，如內地曾收緊廢物進口，令港回收商急急停收廢紙，「我哋堅持係提供緊回收服務」。

「我哋做先行者做得住腳，一句低科技就將我哋打死？」

疫情時期，Mil Mill回收量大跌，目前終回升至疫情前的七成。捱過艱難兩年，廠房卻迎來句號。有議員認為Mil Mill技術含量不高，葉不明所以，「高科技係你define（定義）㗎咩？你話呢一行係低端行業，又唔見其他人走入嚟做？我哋做先行者做得住腳，你用一句低科技就將我哋打死？」葉強調，Mil Mill所做的是基本材料科學，「無我哋做漿嘅，將來想做貓砂、做紙棺材，仲點樣做到再advance（進階）嘅應用？」

不過葉指出，政府計劃明年向立法會提交塑膠飲品樽和紙包飲品盒生產者責任制的條例草案，要求飲品製造商為兩類飲品的收集和回收負起責任，建立完整回收鏈，正是Mil Mill消失所泛起的漣漪，「其實係加速咗佢去逼自己做埋呢樣嘢」。事件亦令更多人知道Mil Mill的存在，早前有支持者發起「一人一postcard」行動，拆開紙包飲品寫信予政府表達訊求，「會多咗人留意回收、支持我哋，品牌知名度高咗」。

拍檔赴星考察：搵廠易過香港

Mil Mill還得到新加坡設廠的邀請。葉指，去年早已考慮到新加坡設廠，逼遷事件後進一步落實，拍檔本月到當地了解詳情，「嗰邊搵廠易過香港，人哋真係做規劃，有廠地畀你」。當地人習慣用焚化爐焚燒垃圾，故回收率比香港遜色，但他認為有危就有機，「而家佢哋都發覺係問題，對我哋嚟講其實係機會，代表空間大啲」。與新加坡當局「交手」過程盡見星港之別，「（新加坡）個態度係合作夥伴，知道而家要提高回收率，有間公司肯過去做嘢，會有專人幫你follow-up（跟進）同落地」。香港呢？「佢哋真係『官』咁，傾都無得傾」。

葉從來沒有想過離開香港。面臨迫遷他仍嘗試掙扎求存，考慮投標屯門環保園，但發現「入場費」或需3千萬，「係咪真係仲要用咁多錢『落疊』喺香港？Sorry真係no喇，人哋走得越嚟越快，你（香港）根本仲喺原地，咁嘅環境真係唔值得再掉咁多錢、心機落去」。環保署早前向他們提供3幅用地，現時他正考慮租用昂船洲一地，但只足以做打包工序，需另覓廠房做打漿，「喺嗰度疊好一嚿嚿磚，租到間廠先運過去」。

回想剛入行的「循環經濟」志業，生於香港的葉文琪苦笑，「仲有咩憧憬？以前想喺香港做產品推去其他地方，日後未必係咁，由其他地方做完再引入嚟」。對於香港，他愛恨交纏，「喺新加坡坐車嗰陣，我覺得呢個地方好陌生，呢度唔係我嘅地方，但又覺得做生意唔係睇emotional attachment（情感連結），業務有得發展就梗係去」。葉沉默片刻，「唏噓㗎、可惜㗎，係好悲哀」。