2023年第1季十大IG吸金KOL MIRROR成員再發力4人入榜 鄭秀文冧莊冠軍 張敬軒飛出十大
媒體廣告分析平台admanGo日前公布,今年第1季(1-3月)十大IG品牌內容廣告銷售額(IG Branded Content Ad spend) 最高KOL。對比2022年嘅十大名單,令人較為意外嘅係呢個IG吸金榜去年全年亞軍嘅張敬軒,居然十大不入。
男團MIRROR繼續走勢強勁,當中四位成員榜上有名,其中呂爵安(Edan)喺整體排名第二,係MIRROR各人中最高排名。而其他成員姜濤、盧瀚霆(Anson Lo)及陳卓賢(Ian)分別排第5、第7及第8位。
去年成為「年度藝人IG吸金王」嘅Sammi鄭秀文繼續成為冠軍,另一位天后容祖兒排第9。而媽咪級嘅陳凱琳同倪晨曦分別排第3及第4。新打入十大嘅分別有第6位嘅Miss Sue Chang(張厚耀)及第10位嘅混血model J Lou。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!