36歲湯怡大曬泳池邊溫馨家庭照 瘦到現肋骨惹網民擔心：以前有肉好睇好多

現年36歲嘅湯怡，2021年閃嫁星級排舞師麥秋成，同年6月誕下女兒「麥QQ」，不時喺社交網站與網民分享溫馨生活照，一家三口幸福美滿。早前佢突然喺社交網站出PO：「合則來 不合則去 不會強求 也不會挽留 來來去去 最好的會留在身邊」，引嚟離婚疑雲，其後二人分別澄清婚變傳聞。近日湯怡就曬出二人結婚三週年照片，著上三點式嘅佢睇落消瘦咗唔少，唔少網民都留言關心佢。

湯怡與麥秋成結婚三年，近日二人再度高調放閃，喺社交網站上載一家人外出度假嘅照片，相片中湯怡著上黃色性感三點式，與老公及囡囡喺泳池邊合照，非常溫馨。雖然唔少網民將焦點落喺泳衣跌膊嘅囡囡身上，不過有唔少網民認為湯怡太瘦，因為佢腰間嘅肋骨突出，紛紛留言關心，例如「瘦到見骨，真心有啲恐怖」、「太瘦了，加上皮膚唔白，顯得真係唔靚」、「真心瘦得唔靚！乖啦增肥下！你做女時好看D」、「以前有肉好睇好多，宜家太瘦了」、「瘦得滯」、「人乾」、「要增肥了」及「哎呀，做咩瘦成咁既kaka 你ok?」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！