41屆金像獎｜ 終身成就獎得主胡楓大談入行70年經歷 稱自己得獎是「序」有應得

第41屆香港電影金像獎頒獎典禮今日（16 日）晚上舉行，大會已經率先公布今屆「終身成就獎」得主是入行70年資深演員胡楓（修哥）。

胡楓上台領獎時全場站立拍掌，他表示「呢啲獎聲同紅館掌聲係一樣，紅館嘅掌聲就令到我好興奮，而家呢到嘅掌聲令我好感動，因為你地呢啲掌聲，全部都係電影圈入面最精英嘅掌聲，所以我就好感動喇。」

胡楓由 21 歲踏入電影圈，他形容「時間真係好長，但係回首一望，就好似係幾個月前一樣。」他憶述，當初看到報紙招考演員，但老闆得知胡楓漏口，「佢就話漏口唔做得主角架，漏可以做西瓜刨。我話唔係，我拍戲時候唔會漏口架喇。」

結果，胡楓亦獲得試鋼機會，他稱當時有二十多人試鏡，自己是第一號試鏡，「我編號一號，一號同二號試完鏡之後，二號就走，一號留返係到，三號試完鏡，三號走，同四號試鏡一樣如此類推，到咗八九個就覺得自己得咗，真係得咗。再睇咗導演表情，佢都好滿意，佢意思真係你拍戲唔漏口。」

胡楓接到《男人心》的劇本時，得知演員包括「花旦王」芳豔芬、「丑生王」梁醒波、鄭碧影等，自己則是男主角。

曾與粵語片所有女主角合作 胡稱紀錄無人能打破

胡楓又提到，自己有一個紀錄無人能打破，「係粵語片時代，我所有女主角，個個都同我拍過，所以呢樣野我係值得自豪架。」

被外界大讚人緣好的修哥，他自言自己不與別人爭排名，亦不與人爭戲做，「人地話點樣，我就點樣，我有幾個朋友就話，阿修係呢個名利圈裡面你乜野都唔爭，點夠人鬥呀，我話有麝自然香，唔洗同人爭嘅。」

面對粵語片一路漸漸式微，胡楓憶述當時自己在十字路口徘徊，「如果如果我唔做，我永遠都係主角，如果我做，我將來一定會做配角。我係到諗，我太太同我講，主角係一個名涵姐，只要你自己鍾意，自己鍾意做嘅話，你就去做啦，點醒左我，所以我行一條路，呢條路我就繼續做落去。」他續指，自己在電視圈入面認識很多朋友，亦十分難得有十六個契仔與契女，讚揚他們對他十分好。

胡楓最後亦寄語，「在座各位都係電影界精英，我希望大家各位用你地嘅努力繼續衝出亞洲，衝向世界，兼且大放異彩。」

薛家燕頒獎 胡楓：我是「序」有應得

薛家燕之後上台頒獎予胡楓，提到自己八歲入行，首套與修哥合拍的電影就是《魚雁曲》，「修哥做我呀爸，估唔到我唔係做修哥嘅女，係做佢個仔。大個左，唔係做佢個女，係做佢女朋友，所以修哥係長青樹。」胡韌楓立即笑稱，「到左而家我就叫佢做媽媽，家燕媽媽。」

薛家燕又大讚胡楓十分有感染力，曾與他合作的人，都會被他對電影製作的熱誠感染，又提到胡楓十分愛唱歌，「佢已經係紅館開過五次演唱會，最近一次唱足三個幾鐘，全球絕少，高齡，９０歲，開大演唱會嘅藝人。」

胡楓接過金像獎後，表示「估唔到咁重，張家輝同我講，呢個獎神早就應該你拎架啦契爺。」胡楓稱，這些獎是有順序，不用心急，又稱既然這個獎是有順序，自己是「序」有應得。