53歲盧慶輝移居內地15年 外貌身型零走樣令網民驚嘆

盧慶輝

現年53歲嘅盧慶輝(Marco)當年喺劇集《真情》中飾演高大靚仔嘅唐立生,深得觀眾喜愛,更被封為「師奶殺手」。之後佢再喺劇集《封神榜》中飾演伯邑考,被人殺死後製成肉丸嗰一幕,令人印象深刻,至今大家依然歷歷在目。不過之後佢選擇棄影從商並移居內地,直到近年佢先重返幕前,為劇集及電影演出 ,日前佢接受傳媒訪問時就透露移居內地嘅原因。

久未露面嘅Marco喺接受傳媒訪問時就話已經移居內地15年,現時與家人定居於北京,佢仲話好鍾意住開嗰度,因為感覺好安全同令佢覺得好幸福。其實Marco係喺2011年與太太小青喺北京工作認識,拍拖三日就已認定對方為終於伴侶,婚後二人育有一子。唔經唔覺Marco與太太結婚十週年,一家三口幸福美滿。

當時拍攝《真情》時,Marco人氣正在急升,不過因負面新聞不斷,令其飽受壓力,最終2001年決定轉行,轉展內地從商,發展房地產事業。喺2017年,Marco心癢癢再喺幕前演出,參與《賭城群英會》、《獨孤天下》、《大宋少年志》、《劍王朝》及《PTU機動部隊》等,早前喺內地網劇《暗房》中飾演主角刑警江川。多年嚟,Marco一直保養得宜,唔少網民仲驚嘆佢身型同外貌都keep得好好,完全睇唔出已經年過50歲。

盧慶輝喺《真情》飾演立生
盧慶輝喺《真情》飾演立生
盧慶輝
盧慶輝
盧慶輝
盧慶輝
盧慶輝
盧慶輝

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!