57歲溫碧霞真實模樣曝光 與IG少女感照片激大落差？

有「最美妲己」之稱嘅溫碧霞（Irene）搞作多多，其自家服裝品牌Irenena網店去年正式面世，以及自傳式電影《我們的十八歲》入圍即將於4月舉行嘅沖繩電影展。溫碧霞積極發展個人興趣與事業之際，亦不忘裝扮自己，時時著上唔同嘅靚衫打卡影相，並將照片分享至社交平台，過往曾大方分享比堅尼、吊帶露背裙、BRATOP運動造型嘅照片，無論外貌定係身材都好似食咗防腐劑一樣，被唔少網民激讚係凍齡女神。最近，溫碧霞PO出自己欣賞杭洲日落嘅照片及短片，從照片中睇到，溫碧霞著上粉紅色Deep V吊帶裙搭配米白色外套，手上揸住支玫瑰花，整個造型少女感十足，完全睇唔出已年屆57歲之齡。

不過，溫碧霞曾於出席廣東海豐房地產活動期間，被網民野生捕獲並拍下照片分享予網絡上，其原相機直出照片令溫碧霞真實模樣曝光於人前，網民皆表示見到溫碧霞不但臉頰凹陷，法令紋仲好深，似乎與平日溫碧霞自己平時所PO嘅照片有極大分別，直言認唔到係溫碧霞，認為歲月的確係神偷。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！