80後KOL港女指8年前已獲邀拍AV 遭網民炮轟抽水：刷存在感？

喺香港土生土長嘅KOL素海霖Erena (日名：繪麗奈），日前進軍日本AV界，成為首位來自香港的AV女優而備受網民熱捧，唔少人更湧入佢IG留言支持，風頭一時無兩。雖然唔少網民都留言大讚Erena勇氣可嘉，不過就有一個80後嘅KOL港女喺Facebook個人專頁出PO，指自己8年前已經獲邀拍AV，如果當日佢拍嘅話，素海霖就唔係第一位港產AV女優，而自己仲應該同三上悠亞一齊收山，結果引起大批網民炮轟。

一名80後嘅KOL港女喺Facebook開設專頁分享自己喺日本嘅生活，最近就出PO分享自己8年前已經獲邀拍AV，仲話如果當年下海嘅話，而家應該同三上悠亞一齊收山：「好叻咩！我8年前已經喺恵比寿站，俾人遞卡片問我拍唔拍AV #真事 如果我當年下左海，你地唔洗等到依家先有第一位，香港人日本AV女優啦，我到依家應該同三上悠亞一齊收山了！圖為…..當年經常俾人遞卡片既我」

呢個PO一出，唔少網民紛紛留言炮轟佢抽水及講就叻等等，例如「其實我想講，只要女性，唔洗靚，企喺日本街頭，著得性感少少，就會有人上前兜搭。不過當年你下海，我估你應該唔洗等到三上一齊收山」、「成日俾地產仔撩睇樓，我已經當正自己係業主。」、「而家唔係講佢叻唔叻，係讚佢夠薑去拍呀嘛。得把口」、「你拍都要有人睇架」、「乜都如果如果 依家人地就係叻過你」、「隔住mon都聞到個浸酸味」、「講就叻 做就點 係你身上睇得清楚哂」、「刷存在感？？？」、「好彩你無去咋，否則成個日本AV業比你搞冧曬」、「咁點解你當年唔拍 人哋拍咗你就喺度咁樣講」、「酸到呢 你真係香港人既典範：憎人富貴嫌人窮」及「人地叻就叻在真係肯做 你就肉酸在依家係到抽水」等等。

之後，佢再繼續出PO回應網民，指佢喺page寫作係有言論自由，所以唔認為自己刷存在感：

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！