A0「細細粒」陳嘉佳突曬婚紗照 公開嫁人對象：我要結婚了

陳嘉佳（細細粒）去年開始積極減肥，僅用約半年時間激減121磅，身形瘦足幾個圈。細細粒自從減肥有成果後，立即著泳衣、吊帶衫露鎖骨show off，更不時於社交平台大曬美照；最近，A0嘅細細粒突曬出婚紗照及短片，更宣告嫁人嘅對象。

細細粒於影片中以婚紗造型講出「我要結婚」作開首，原來係一個39歲企劃，表示：「既然39歲還沒嫁出去，在我40歲前穿一次婚紗吧」。細細粒揀咗一套露膊兼大deep V嘅婚紗，並與家人視像通話畀佢哋睇下佢最美嘅樣子，細細粒表示無人規定要結婚先可以著婚紗，指每個女生都有個公主夢，既然喜歡就自己為自己買單：「我要結婚了，但是我是嫁給自己。」細細粒又指可以唔結婚，但婚紗一定要著一次：「39歲這一年，一個人的婚紗照讓我特別開心，無關愛情，婚紗的意義應該就是來自於自己吧，希望每個女生都能愛自己，把自己放在第一位。」

另外，佢喺IG亦有上載婚紗照，並留言話：「我的第一次 …….影婚紗相 新郎 where are u?」細細粒分享所拍嘅婚紗照，唔少網民留言大讚：「好靚，越嚟越瘦，繼續加油」、「好棒哦！佩服你的意志力！繼續加油哦！喜歡你演的戲和唱的歌」、「好靚呀，好襯你呀呢」、「好可愛嘅新娘子」、「靚爆鏡」、「omg減肥成功~瘦很多~繼續繼續」、「我的天啊，VV我看半天才認出來」、「上帝啊！為什麼忘了安排他的婚姻」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！