AGA譚嘉儀「處女騷」叫停 戲院重開無期 鄧麗欣恐心血「過時」

由於賀歲片題材所限,鄧麗欣對映期非常着緊。
由於賀歲片題材所限,鄧麗欣對映期非常着緊。

第5波疫情未受控,港府昨日宣布延長防疫措施,電影、演唱會等娛樂活動無限期叫停,令一眾台前幕後相當無奈!當中歌手江海迦(AGA)的「處女騷」已多次改期,承諾日後以200%努力回饋樂迷!

Omicron疫情持續升溫,港府將防疫措施延長14天至大年初三,意味虎年新正頭市面仍未能回復正常,首當其衝除了飲食業外,娛樂事業亦痛失「黃金檔期」!AGA的演唱會已第2度因疫情煞停,她說:「我同團隊盡咗最大努力堅持到最後,相信好多香港人都係。今次演唱會嘅準備工夫已經做好晒,難免覺得失望,下次我會用200%嘅努力,報答大家對我嘅支持!」

至於入行10年才等到「處女騷」的譚嘉儀,原定本月28日舉行演唱會,收到取消噩耗直言失望:「唔單只係我嘅演出受影響,好多行業都一樣,所以好希望大家身體健康,疫情盡快受到控制!」又指朋友與家人表示無論延期到何時都會支持,令她大感窩心。

無奈:真係唔知點

至於賀歲片包括《飯戲攻心》及《忽然心動》等因戲院關門而上映無期,《飯》片女主角鄧麗欣無奈說:「大部分宣傳已經做咗,本來諗住過埋下個星期,就可以正式決定首映日期,依家都冇辦法,賀歲片又冇理由等到復活節先上,真係唔知點!」其拍檔張繼聰透過經理人回覆:「失望一定有,加上之前已經有《逃獄兄弟2》上映唔到,不過我對《飯》片好有信心,一切等電影公司通知啦!」而電影公司方面表示會依照政府政策而行,映期有待商議。

另外,潘燦良主演的英皇舞台劇《最後禮物》亦宣布再度延期,將1月7日至2月5日在香港演藝學院演出的23場改期舉行,而後續2月6日至25日的場次則留待政府公告再作調整。

AGA
AGA
譚嘉儀
譚嘉儀