Bobfather林盛斌被移英港人台下打氣感動 眼濕濕：「真係失禮晒，我已盡力控制！」

林盛斌Bob於2021年化身教父Bobfather ，舉辦《The Bobfather 2021》香港棟篤笑，透過自嘲及自身經歷、工作、家庭、娛樂圈等趣事分享，鼓勵正在面對逆境困難的每一位朋友、輕輕鬆鬆同大家渡過兩小時；「Bobfather」的理念更成功遠赴到荷蘭、英國，吸引了不少移民海外的港人撐場，就在Bob以為為大家打氣時，英國一場聽到台下幾句「加油呀！」及「我哋好鍾意你㗎！」時，今次反到Bob被鼓勵到，感動到眼濕濕。

荷蘭、英國站落實舉行時，Bob已經好興奮，到真正抵達當地，在街上紛紛遇上港人，彼此問侯分享生活，Bob感覺已經好唔同：「去到咁遠，大家同聲同氣咁互相問侯，好似撞番好多好朋友，到知道有啲香港人專程揸幾個鐘車嚟睇更加感動，到我以為個騷可幫海外嘅香港人打氣加油，點知佢哋台下嘅回應，反過嚟鼓勵咗我，真係失禮晒，我已經好努力叫自己盡量去控制情緒，搞唔掂，最後啲眼淚都係忍唔住滲咗少少出嚟。」

英國站後，Bob在剛過去的周末則來到佛山，是Bobfather巡演中最多座位一場，Bob直言亦是最大壓力一場，是關3000個座位，同日又有好幾個大型演唱會撞期，但好感恩騷前幾日全場賣出，說：「好開心同大家過咗一個愉快、正能量嘅晚上，亦要多謝老拍檔細細粒嘅驚喜演出，同我重演返老表經典嘅一幕。」

佛山站順利完成後，12月9日Bob將帶住「Bobfather」的正能量和歡笑，移師到澳門倫敦人舉行，由棋人娛樂、光尚娛樂、寶輝娛樂及萬星國際娛樂主辦《佳寶食品冠名呈獻：The Bobfather 棟篤笑 2023 澳門站》，這次是阿Bob繼2017年後第二次在澳門舉行的棟篤笑，Bob自言壓力又唔同，事關Bobfather 源起香港，兩年間巡演回到好近香港嘅澳門，Bob說：「今次澳門站內容上想同之前香港站有啲唔同，畢竟果時有部分係關於疫情，嘉賓陣容亦需要俾到驚喜大家，令再次入場的香港觀眾滿意！」