雅虎香港新聞 Buffet 精新歡 任食龍蝦、生蠔、海鮮、芝士貴價品
每個Buffet精都有個首選，而我食完★尖沙咀朗廷酒店The Food Gallery★後，我的首選經已動搖…
原因有3！ 1) 任食時間為4小時，由6:30pm食到10:30pm都得，平日唻食唔駛趕收工，仲可以屋企人先唻食住等都得。 2) 海鮮區多選擇，任食龍蝦、生蠔、蟹腳、青口、凍蝦、等等，海鮮區嘅選擇好豐富。 3) 多特式食物（仲要好食！！）
習慣食之前兜一個圈揀食物，食物種類多，甜品佔一個獨立區，甜品狂魔為之瘋狂。
剛開始先食海鮮，先飲熱湯暖胃，以免食生冷野胃唔舒服～ 有中西湯或燉湯選擇～西湯有西洋菜湯，清熱下火。
燉湯就是蘋果雪耳燉雞，原盅燉原汁原味，湯好清甜，飲多幾碗滋潤下。
然後就進攻海鮮區，回本之選嘛！抵讚嘅係refill得好快，每次去拎食物都見到大量海鮮係度。海鮮選擇好多，有buffet少見而貴價嘅波士頓龍蝦及琵琶蝦，亦有其他海鮮如加拿大蟹腳、澳洲小龍蝦、美國生蠔、紐西蘭青口、太平洋凍蝦及冰島翡翠螺等，淨係食海鮮都夠回本。
波士頓龍蝦大大隻，已開邊容易食。肉質彈牙鮮甜，食2件已非常滿足。
加拿大蟹腳偏大隻，應該已揀過才拎出唻，鮮甜美味，略帶海水味，唔會洗到淡哂。
美國蠔屬細隻種，第一round唔夠甜，第二round很鮮甜，我都食咗半打。
估唔到翡翠螺咁大隻！
整體海鮮水準唔錯，款多，夠新鮮又refill得快！
然後一氣過食埋刺身壽司類，刺身新鮮夠肥美！不錯
飲多碗湯後，就主攻熱食！
先來一客即煎鵝肝
專人註counter即煎，基本上唔駛點樣等。鵝肝煎得外脆內軟，金黃色表面非常吸引。入口即融，絕對係evil food!!!!! 有三款side dish可選 ，梨依然係我嘅最愛，酸酸甜甜解油膩感。
燒乳豬 皮脆肉嫩，估唔到酒店嘅燒肉水準都不錯
燒西冷
即切即燒，可自行選擇成熟度。肉質嫩滑依然juicy！
(其實食到呢度已經飽飽地…XDDDD) 開始向其他特式食物進發~
有一整枱cold cut可供選擇，salami、parma ham、辣肉腸都係我嘅心頭愛。
然後再向cheese & pastries進發，這個cheese board真係不得了！！平常自己買都唔平，係度我可以每樣都試d，試到岩之後就識買了！
前面呢3款都唔錯！
豬腳薑，坐完月後都好少食lu… 甜辣度適中，豬腳夠淋身同入味!
蠔仔粥，粥底不錯，夠棉，蠔仔肥美，味道清甜。
另外仲有蒸魚、燒味、車仔麵等，可惜我已經太飽! 無試到…
但無論幾飽，女人嘅胃係有2個嘅。當然要向甜品區進發！
甜品區選擇好多妹多，每一款都好靚好吸引，隨手揀一款味道都不錯！
雪糕係Movenpick，有4款可選，我最後要了CONE慢慢食~
足足食咗3個鐘，肚皮大爆炸但心靈大滿足！ 雖然我而家好大食，但都試唔哂咁多野….
整體唻講這餐BUFFET幾唔錯，款式唔算勁多但夠精！海鮮區同甜品區已經夠我心動要將以後嘅buffet場轉過唻！
<著數分享>book枱時記住係Openrice download coupon，有75折喲～ (優惠期至2016年4月4日)
The Food Gallery
尖沙咀北京道8號香港朗廷酒店大堂 謝謝收看~請多多指教喲~
~~~~~~~~~~~~~~~~~~~~~~~~~~~~ 歡迎邀請合作試用及出席活動
★朱迪☆ bluesky_judy@yahoo.com.hk
www.facebook.com/JudysWonderland
~~~~~~~~~~~~~~~~~~~~~~~~~~~~
更多的平台~ ^^★
★
★
★
★
★
★
★
★
★
★
作者: 朱迪
