Chantel姚焯菲「暗黑公主」造型惹討論 網民：第一眼以為係馬蹄露

現年16歲嘅「聲夢小花」姚焯菲（Chantel），係TVB歌唱選秀節目《聲夢傳奇》嘅人氣王，不過佢今年初選擇遠赴新西蘭留學，令唔少粉絲不捨。近日佢趁放暑假又回港，除咗推出新歌之外，仲同Yumi鍾柔美孖公仔現身商場出席公開活動。呢一日Chantel花上濃妝，並著上黑色吊帶裙示人，而佢就話係「暗黑公主」新風格，不過一班網民就似乎唔太鍾意呢個新造型，紛紛留言話佢腫脹兼好似馬蹄露。

Chantel難得返香港出席活動，一班粉絲當然會現身支持佢，仲喺佢IG留言大讚當日造型型格得嚟又好靚，不過就有網民喺小紅書分享當日Chantel嘅「生圖」，唔少網民都對佢嘅新造型唔太滿意，紛紛留言話「真係好似馬蹄露」、「真的？她不是國民初戀？怎麼變成這樣？」、「我以為馬蹄露」、「佢係咪得罪化妝師」、「呢個角度拍得她有點胖」、「第一眼以為係馬蹄露 原來係Chantel」、「馬蹄露remix邵音音」、「第一眼仲以為係馬蹄露」及「我整個震驚，好腫脹啊...」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！