Chantel姚焯菲戀情曝光?疑與200蚊「債主」拍拖
被封為「國民初戀」嘅姚焯菲(Chantel),憑住TVB歌唱選秀節目《聲夢傳奇》成為人氣王。眾所周知Chantel家底豐厚,家住1500呎荃灣半山豪宅,早前竟然被爆出欠債200元。經理人都有幫手解釋「只係朋友之間玩吓,大家唔使咁認真」,但最近竟然傳出原來呢位「債主」係Chantel嘅男朋友。
報道指呢位緋聞男友名叫Marcus Kwok,二人已經拍拖一段時間,佢哋係透過朋友介紹而認識,身邊唔少朋友都知佢哋拍拖。喺爆料人提供嘅照片中,見到唔少Chantel嘅自拍照好多都有Marcus蹤影,而其中一張更見到佢哋二人合照,而衣著更係Chantel 3月到迪士尼時一樣,當時Chantel留言:「the happiest place on earth」,仲有紫色心心emoji,唔知係咪有緋聞男友陪伴特別開心呢? 爆料人提供嘅短片中,都見到Marcus緊貼Chantel後面,感覺十分甜蜜。
另外,有傳Marcus之前IG有唔少Chantel嘅合照,但俾人放上TG群組分享後,Marcus便將IG相清空,不過佢哋仍有互相追蹤。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!