Coffee林芊妤零下十幾度雪地做瑜伽有氧操 網民唔buy：多此一舉

林芊妤（Coffee）離開TVB後，主力教授瑜伽及專注KOL工作，更創立自家瑜珈服品牌CoffeeSweat，不時都會穿上自家瑜珈服作生招牌，成功吸引唔少粉絲，可謂事業愛情兩得意。近日，Coffee一家三口前往北海道二世古旅行，喺寒冷嘅天氣下，佢除咗享受美麗雪景及滑雪嘅樂趣之外，佢仲喺只有零下十幾度嘅雪地上挑戰瑜伽操。影片出街後，唔少網民都留言認為佢呢個行為係多此一舉，不過佢就高EQ回覆網民。

喺影片中，Coffee只係著上紅色瑜伽服，仲要露出纖腰，佢就喺只有零下十幾度嘅雪地上挑戰瑜伽有氧操，更表示做四分鐘已經可以暖身，唔覺得凍。另外，佢仲寫：「我是剛在室內有暖氣的地方做完運動覺得很熱，才會想到在優美的雪地拍攝順便降溫一下，所以不用擔心我會冷喔，但大家留在室內跟練就可以」。

影片出街後，雖然有網民大讚佢靚及體型好好，不過就有網民唔buy，而高EQ嘅Coffee亦有回覆網民留言，例如「之前也很喜歡你，事件之後覺得你太over及非常show off身材到討厭」，Coffee就回覆話：「其實喜不喜歡一個人真的很主觀，而且每個人的看法也可以很不一樣，謝謝你曾經喜歡過我，但我也不會改變我去迎合所有人喔，因為我的人生由我決定～謝謝你的意見」；另外亦有網民認為佢呢個行為多此一舉，留言話：「沒有必要這樣穿在室外咗暖身運動，多此一舉」、「咁嘅天氣真係冇必要咁樣。一陣凍壞d內臟」、「有沒有必要去雪地裏鍛煉啊」、「零下著成咁，未暖身都凍病啦」及「真沒必要穿這樣在這麼冷的地方。。。」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！