雅虎香港新聞 COLLAR演唱會尾場｜Yahoo 娛樂圈｜多圖 Candy、Gao 等感觸流淚 芯駖勵志宣言：任何年紀都可以做自己
【Yahoo 娛樂圈】COLLAR 一連三場《COLLAR Crush Live 2024》周日（24 日）在九展尾場。頭場多名成員被指表現失準，包括 Marf、IvySo、Winka 等，尾場明顯表現較穩定。至尾段分享感言時，Candy 和 Gao 等都感動落淚，其中年紀最大的芯駖在台上感觸道，經過兩年終於明白自己站上舞台的意義，「想話畀大家知，無論咩年紀，都可以做自己、可以靚，可以有選擇，我會做好要做的嘢，同大家一齊。」
尾段發言時，IvySo 首先感謝家人，其後提到在病塌捐 80 萬予兒童癌症基金的患癌青年楊嘉驃，Ivy 表示有傳送演唱會直播連結予對方，形容他有一班好好的朋友，希望大家都能找到互相支持的真心朋友。
Marf 多謝家人，從不多過問，只會在身邊默默陪伴。Candy 感謝家人時忍不住爆喊，「今日由細湊到我大的嫲嫲來咗，我一直好想畀佢睇我演唱會，等咗好耐。」
Winka、Day 多謝粉絲的包容和等待；Gao 發言時亦爆喊，沒想過有日能成功做到演唱會，過程中成員亦經歷很多傷患，「但大家就是這樣撐過去，見到成員堅持，也覺得自己唔可以停，大家有緣在此相聚，希望大家喜歡 COLLAR 的表演。」
芯駖在台上則自爆，原來媽媽一直不知道她出道，「直至《法與情》出咗街，今日係第一次睇我表演。」她見到台下有謝安琪、李嘉欣捧場，感性道，決賽時也是這樣在九展台上，「直至今日，我終於明白點解會企喺度，我真係好鍾意表演。同埋我明點解揀我入 Collar，可能想我打破一啲框框，我的存在其中一個意義，我想話畀大家知，無論咩年紀，都可以做自己、可以靚，可以有選擇，我會做好要做的嘢，同大家一齊。」
相關報道：
