Heidi李靜儀被指激似BLACKPINK成員Jisoo 一笑即毀女神形象

前女團Super Girls成員李靜儀（Heidi）擁有甜美外貌及逆天長腿，深得網民愛戴，被封為女神。日前，Heidi出席內衣品牌活動，一身喱士吊帶內衣配短褲，再襯上一件白色長身西裝褸及超高高跟鞋造型，雖然吸引全場目光，不過唔少人喺第一眼都認佢唔到，網民更表示將深色頭髮染成淺棕嘅Heidi激似韓國天團BLACKPINK成員Jisoo、JJ賈曉晨、田馥甄（Hebe）及韓國女演員申世景。

而其實早於本月初，Heidi分享自己出席意大利時裝周嘅照片，已有網民留言表示將佢認錯咗做Jisoo及Jennie：「成個Jennie咁款」，獲Heidi本尊回覆：「我都想似佢咁靚」，亦有大量網民留言大讚Heidi又型又靚女無得輸。

近日Heidi喺社交網站透露自己接受咗全瓷牙貼面，不過喺內衣品牌活動當日，未知Heidi係咪因為仍未習慣嘅關係，笑容明顯比平日生硬未夠自然；大笑時更露出牙肉，被指一笑即毀女神形象，有網民就覺得Heidi好似唔整好過整。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！