雅虎香港新聞 Ian陳卓賢代言Calvin Klein！「守身如玉」陳卓賢繼Anson Lo、AK後成為第三位鏡仔接棒爆肌登場
各位鏡粉食咗炸雞未呀？以為Mirror 3周年驚喜只有炸雞同見面會就錯啦！今日時尚品牌Calvin Klein發佈Mirror第三位神秘成員型格演繹秋冬系列廣告預告，而眼利的話一睇就知係曾經講過只露手掌、「守身如玉」嘅Ian陳卓賢！
品牌Facebook專頁喺中午12點正，發佈咗第三位代言人嘅預覽片段，片段中代言人先係身穿全套牛仔服飾加限量手帶，鏡頭一轉，第2秒就係半棵上身展現強大胸肌、腹肌線條，身穿品牌內褲同埋長褲軟攤梳化嘅側身影像，最後見到一半面形輪廓，眼利嘅Hellosss一睇就知係陳仔陳卓賢！
陳仔確係相當「密實」，之前各大傳媒問極都聲稱只係露手掌，突然嚟個大反轉露出一身完美肌肉大派福利，相信亦都可以補返演唱會未能參與show肌環節嘅小遺憾。近日為籃球新劇默默練波嘅Ian，相信大家都期待佢喺ViuTV新劇《季前賽》將會密密show肌。Calvin Klein完整版廣告影片將於今日內揭曉，各位Hellosss又要儲定錢手刀課金幫前夫換晒一年365日嘅內褲啦！
預覽影片釋出後，各位Hellosss亦都非常積極瘋狂洗版留言，相信大家都有共鳴嘅留言包括「陳卓賢嘅肉體呀！」、「陳卓賢呀！止唔到鼻血」、「呼吸不到」、「禾要操練吓先，直擊心臟呀呢吓！」，真心大家見到都係得一個感覺，就係「救命呀，我個心跳得好快啊！」同埋「call白車please」。另外大家都非常期待見到「Ianson」合體，左擁Anson Kong右抱Ian真係夫復何求！
>>按此下載<<全新Yahoo APP，睇盡衣、食、住、行，全方位最新網購情報，購物資訊盡掌握，立即下載！
潮流熱話：
奇洛李維斯一口氣豪贈4隻Rolex「黑水鬼」予《John Wick》替身演員！每隻Submariner Date炒價逾10萬
GU Pokémon寵物小精靈可愛聯乘系列曝光！精靈訓練員入手衛衣、睡衣套裝、抱枕、毛毯35款新品
野餐用品清單懶人包｜野餐好去處必備高顏值野餐墊！4個實用野餐用品牌子推薦
名牌手袋：
Balenciaga急升5位擊倒Gucci、Dior奪冠！Lyst第三季名牌Top10 Nike跌出三甲
