JW便秘10日發脹 被周嘉洛搞喊

周嘉洛(左起)、JW、朱敏瀚、張振朗與賴慰玲,出埠期間笑料百出。
周嘉洛(左起)、JW、朱敏瀚、張振朗與賴慰玲,出埠期間笑料百出。

周嘉洛、朱敏瀚、王灝兒(JW)、張振朗與賴慰玲昨日在尖沙咀出席無綫節目《約埋班Friend去旅行》記者會,缺席的陳瀅拍片踢爆JW便秘10日,JW笑言與陳瀅同房有壓力:「有人同房會覺得唔夠自由、唔夠放,每日食好多嘢,但有入冇出,真係好辛苦。」又自爆因便秘搞到面部又圓又脹,怎料嘉洛踩她脹到似個波,嘉洛笑說:「我唔小心整喊佢!」

朱敏瀚被指在旅程中展露乞人憎一面,更激嬲陳瀅:「我哋嘅仇恨係拍《痞子無間道》開始,最好唔好再合作拍劇,對大家都好啲。」而他與張振朗、賴慰玲傾心底話齊齊喊。