MIRROR三子向汪明荃羅家英拜年 阿姐潮學Anson Lo《Megahit》招牌動作

汪明荃（阿姐）與羅家英（家英哥）向來受後輩尊重，農歷新年期間都有好多後輩上門同佢哋拜年；繼年初一（1日），一班家英哥徒弟及TVB藝人丁子朗、余德丞、羅天宇、孔德賢登門拜訪，年初三（3日）就到MIRROR 3位成員Anson Lo（盧瀚霆）、Edan（呂爵安）、Jer（柳應廷）以及「黃金Sir」陳宇琛（Sam）與太太去到阿姐同家英哥屋企拜年，一向跟得上潮流嘅阿姐仲即席做出Anson Lo歌曲《Megahit》招牌手勢。

Edan與家英哥喺三年前合作拍攝ViuTV節目《臺灣文西Only You》結緣，Edan嚿年都有與拍《男排女將》而熟悉嘅陳宇琛一齊向阿姐同家英哥拜年，仲成功得到「汪阿tag」一個；今年就搵埋隊友Anson Lo以及Jer。阿姐喺IG分享多張合照及短片，並表示：「誰說大年初三不適宜拜年？Mirror三子Jer Edan & Anson向家英哥Liza姐拜年，同行還有Sam及太太。Liza以蘿蔔糕、上海年糕、水菓、攢盒招待，大家吃得很開心。」

片段中見到，阿姐哼出Anson Lo歌曲《Megahit》「Uh-oh uh-0h uh-0h」，MIRROR三子就教佢做招牌動作配合，阿姐仲大讚：「咁樣跳舞係好睇」，Anson Lo就喺旁邊笑言話呢條片好有紀念價值。另外，唔少網民除咗送上新年祝福之外，仲大讚Liza姐好潮同好可愛。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！