白水日本交流日記 #3 本來抱住朝聖心態去到集英社少年Jump本部作「到此一流」式參觀。雖然只係匆匆走咗一個圈，但睇到聽到嘅嘢超出咗我自己嘅預期！首先係到《少年jump》編輯部參觀一下，親眼睇到《爆漫》裡面嘅場景，亦見到傳說中某幾位真實存在的編輯。好幸運地同《爆漫》嘅編輯傾咗幾句，竟然仲有親眼親手睇到摸到聞到《爆漫》嘅原稿！小畑健老師嘅畫工真係無等頂！集英社嘅PR先生介紹左好多製作流程同編輯嘅所有職責。之後去埋《young jump》編輯部觀光一下，有幸同《一拳超人》嘅編輯傾左幾句，好可惜原來《一拳超人》係電繪嘅，所以無原稿睇! 跟住繼續行左幾個部門，淨係負責知識產權同人傾「拉臣」嘅部門都有廿人。做海外版又廿個人，人地成功真係唔係漫畫好睇咁簡單。香港有啲漫畫就算幾好睇都好都係無用，無人地套咁完善制度都無辦法喺連載之後，都係無���法可以發展其實嘢。 有趣嘅係雖然我係因為《溫水》而被邀請，但提到自己工作時主要都係圍繞住我喺《漫道周刊》嘅作品《蟲蝕》。所以今日畫裡面有《蟲蝕》主角亂入！ #溫水劇場 #白水 #港日交流 #集英社 #爆漫