So Ching轉發MIRROR演唱會事故法庭報導 連發21個問號疑對判決表態

MIRROR去年紅館演唱會發生意外，導致舞蹈員李啟言(Mo)及張梓峯受傷，其中阿Mo傷勢嚴重，至今仍康復中。涉及事件嘅三間公司事後被被勞工處以「沒有確保僱員的安全及健康罪」等15項控罪作出票控，案件星期三提堂。有網媒報導，參與MIRROR演唱會嘅23位舞者，為被檢控嘅演唱會舞蹈員承包商舞館求情。

而阿Mo女友、女團COLLAR前成員So Ching都有喺IG限動轉發呢單新聞，但就加上21個問號，又寫道「精彩」2字，未知So Ching係對舞蹈員為舞館求情而詫異，定係對法庭判罰結果有意見。

承包演唱會舞蹈員工作嘅舞館承認5項控罪，包括兩項未有為僱員購買保險、兩項在意外後14天內未向勞工處處長發出意外通知及1項沒有確保僱員於進行舞蹈綵排及表演期間的安全及健康罪名，被判合共罰款13萬2千元。據報導，除咗受傷留院嘅阿Mo以外，23位舞者都聯署求情信，指舞館誤以為舞者以自僱身份工作，但原來今次演出前，舞館代主辦方與舞者簽約，已經構成僱傭關係，而且無核實主辦方有冇為舞者買保險。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！