Stanley@MIRROR演唱會大騷爆肌身材 內地爆紅獲激讚：全隊最帥就是他

合共16場嘅《MIRROR FEEL THE PASSION CONCERT TOUR 2024 · HONG KONG》進行得如火如荼，12子喺演唱會施展渾身解數落力表演，除咗有團歌之外，仲有小分隊演出，當中最矚目嘅就係Stanley邱士縉與Jeremy李駿傑合作表演《Fever》，Stanley嘅爆肌身形連日嚟成為熱話。

身為團隊「肌肉擔當」之一嘅Stanley邱士縉，喺演唱會中與Jeremy李駿傑大跳貼身舞唱《Fever》，期間佢大騷爆肌身形而備受注目，除咗震撼全場觀眾眼球之外，仲令佢紅到內地，有內地網民喺小紅書留言大讚Stanley身材冇得輸及似吳尊：「雖然唔知點解會刷到，不過show肌呢位真心得」、「大表不紅，天理不容」、「全隊最帥就是他」、「還以為吳尊開始有這種路綫了」、「我以為是吳尊」、「大波的那位叫什麼 為什麼他不火 内地全是姜濤和盧瀚霆的新聞」、「一開始那個肌肉男那麼像吳尊呢」、「show腹肌果位好似得得地」及「這身材真的很厲害」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！